16.05.2026 | 20:00
ՀՀ ԱԳ փոխնախարարը ԵԽ գլխավոր քարտուղարին է հանձնել «Մարզական մրցումների մեքենայությունների մասին» կոնվենցիայի վավերագիրը
Կլաարն ու Ալիևը քննարկել են Հայաստանի ու Ադրբեջանի միջև հարաբերությունների կարգավորումը
Քաղաքականություն
15.07.2022 | 13:25
Բաքվում գտնվող Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը հանդիպել է Ադրբեջանի նախագահ Իլհամ Ալիևի հետ։ Ադրբեջանական լրատվամիջոցների փոխանցմամբ՝ Կլաարը Ալիևին է փոխանցել ԵԽ նախագահ Շառլ Միշելի ողջույնները։
«Հանդիպմանը տեղի է ունեցել մտքերի լայն փոխանակում Հայաստանի ու Ադրբեջանի միջև հարաբերությունների կարգավորման, խաղաղության պայմանագրի ստորագրման, հաղորդակցությունների բացման, ականների խնդրի, Ղարաբաղյան առաջին պատերազմում անհետ կորած ադրբեջանցիների թեմաների շուրջ»,-ասվում է հաղորդագրության մեջ։
Ալիևը նաև խոսել է Բրյուսելում կայացած հանդիպումների արդյունքում ձեռք բերված պայմանավորվածությունների իրականացման կարևորության մասին։ Հավելենք, որ Կլաարը հուլիսի 13-14-ին Երևանում էր մի շարք հանդիպումներ անցկացրել, այդ թվում՝ ՀՀ վարչապետ Նիկոլ Փաշինյանի հետ։
Էմմա Չոբանյան
