15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
Քաղաքականություն
15.11.2026 | 19:45
Nvidia-ի ղեկավար Ջենսեն Հուանգի շուրջ ծագած սկանդալի հետևանքով ընկերության վեց գործող և նախկին ղեկավարների ու տնօրենների կարողությունը կրճատվել է 5,6 միլիարդ դոլարով։ Ինքը՝ Հուանգը, կորցրել է 62 միլիարդ դոլար այն բանից հետո, երբ Nvidia-ի բաժնետոմսերի արժեքը նվազել է ավելի քան 30%-ով, հայտնում է Forbes-ը։
Ամենամեծ կորուստները կրել են ընկերության տնօրենների խորհրդի անդամներ Մարկ Սթիվենսը և Թենչ Քոքսը, որոնց կարողությունը նվազել է համապատասխանաբար 2 և 2,2 միլիարդ դոլարով։ Nvidia-ի գլխավոր տնօրենի ժամանակավոր պաշտոնակատար Քոլեթ Քրեսը և նախկին փոխնախագահ Ջեյ Պուրին այլևս միլիարդատեր չեն։ Ընկերության իրավաբանական հարցերով գլխավոր խորհրդական Թիմ Թեթերը նույնպես կորցրել է իր կարողության զգալի մասը։
Ջենսեն Հուանգը դուրս է մնացել աշխարհի ամենահարուստ մարդկանց տասնյակից։ Ներկայում Forbes-ը նրա կարողությունը գնահատում է շուրջ 145 միլիարդ դոլար։
Հիշեցնենք՝ Nvidia-ի հիմնադիր և երկարամյա գլխավոր տնօրեն Ջենսեն Հուանգի շուրջ սկանդալը ծագել է նրա անձնական հարաբերությունների և դրանց հետ կապված ազգային անվտանգության հնարավոր ռիսկերի վերաբերյալ բացահայտումների հետևանքով։
Ամերիկյան լրատվամիջոցների տեղեկություններով՝ Հուանգն արտամուսնական կապ է ունեցել Էլիս Հուանգ անունով գործարար կնոջ հետ, որին ԱՄՆ հետախուզական կառույցները կասկածում են չինական հատուկ ծառայությունների հետ համագործակցության մեջ։ Կինը կապ ունի սինգապուրյան Megaspeed ընկերության հետ, որը հայտնվել է ամերիկյան սահմանափակումները շրջանցելով Չինաստան առաջատար չիպեր մատակարարելու հնարավոր սխեմաների վերաբերյալ հետաքննության կենտրոնում։
Սկանդալն ավելի է խորացել, երբ լրատվամիջոցները տեղեկություններ են հրապարակել Nvidia-ի աշխատակիցների հետ Հուանգի ենթադրյալ այլ արտամուսնական հարաբերությունների մասին։
Նոյեմբերի 12-ին Nvidia-ն պաշտոնապես հայտարարել է Հուանգի՝ գլխավոր տնօրենի և տնօրենների խորհրդի անդամի պաշտոններից հեռանալու մասին։ Ընկերության ժամանակավոր ղեկավար է նշանակվել ֆինանսական տնօրեն Քոլեթ Քրեսը։
Այս զարգացումները լուրջ ազդեցություն են ունեցել Nvidia-ի բաժնետոմսերի արժեքի վրա՝ հանգեցնելով ընկերության շուկայական կապիտալիզացիայի և ղեկավարների կարողության զգալի նվազմանը։
Միաժամանակ, մինչ այժմ հրապարակայնորեն հաստատված չէ, որ Ջենսեն Հուանգը մասնակցել է լրտեսական գործունեության կամ գիտակցաբար գաղտնի տեղեկություններ փոխանցել Չինաստանին։
