06.11.2024 | 17:27
Իլոն Մասկը հայտարարել է ԱՄՆ կառավարման համակարգը փոխելու պատրաստակամության մասին
ԵՄ տարածքով պատժամիջոցների տակ գտնվող ռուսական ապրանքների տարանցումը թույլատրվում է միայն երկաթուղով․ Եվրահանձնաժողով
Քաղաքականություն
13.07.2022 | 23:14
Եվրահանձնաժողովը պարզաբանել է, որ որոշակի պայմանների առկայության դեպքում չի արգելում պատժամիջոցների տակ գտնվող ռուսական ապրանքների տարանցումը երկաթուղով, գրում է swissinfo.ch-ը։
«Հաստատում ենք, որ ԵՄ-ի կողմից ձեռնարկված միջոցների համաձայն, Ռուսաստանի կողմից իրականացվող տարանցումն արգելված է ավտոմոբիլային տրանսպորտի համար արգելված ապրանքների դեպքում։ Նման արգելքեր չկան երկաթուղային տրանսպորտի դեպքում, սակայն ԵՄ անդամ-երկիրը պետք է հնարավորություն ունենա այն տարանցումը հսկելու»,-ասվում է Եվրահանձնաժողովի հայտարարության մեջ։
Նշվում է, որ Եվրամիության երկրները պետք է ստուգեն, որ տարանցման ծավալները համապատասխանեն վերջին երեք տարիների միջին ցուցանիշներին: Այն հատկապես վերաբերում է հիմնական ապրանքների պահանջարկին։ԵՄ-ն պետք է հետևի, որ տրանզիտը չօգտագործվի պատժամիջոցները շրջանցելու համար։
Միաժամանակ Եվրահանձնաժողովը նշում է, որ «պատժամիջոցների ներքո ռազմական կամ երկակի նշանակության ապրանքների ու տեխնոլոգիաների տարանցումն ամբողջությամբ արգելված է՝ անկախ փոխադրման եղանակից»։
Էմմա Չոբանյան
