23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Ասկերանի շրջանի ավելի քան 2000 հա հողատարածք ոռոգման ջուր կունենա․ ԱՀ նախագահ
03.07.2022 | 21:01
Արցախի նախագահ Արայիկ Հարությունյանը ֆեյսբուքյան իր էջում գրել է, որ այսօր այցելել է Ասկերանի շրջանի Դահրավ համայնք, ծանոթացել «100 տուն Արցախում» նախագծի ընթացիկ աշխատանքներին։
«Հայտնել եմ, որ դրանց նոր թափ հաղորդելու նպատակով ԱՀ Կառավարությունն ավելի մեծ աջակցություն կցուցաբերի։
Եղա նաև վերջերս շահագործման հանձնված Հիլիսի ջրամբարի տարածքում։ Այն ոռոգովի է դարձրել ավելի քան 300 հա հողատարածք։ Ի դեպ, նախագիծն իրականացվել է պատերազմից հետո, պետական միջոցներով։
Խոշորածավալ մյուս ծրագիրը, որը ևս կյանքի է կոչվել պետական միջոցներով, Սովետարխի ոռոգման համակարգի կառուցումն է, որի մայր ջրատարն ու ջրաբաշխիչ ավազանները շահագործման են հանձնվել շաբաթներ առաջ։ Արդյունքում շրջանի ավելի քան 2000 հա հողատարածք ոռոգման ջուր կունենա։
Նշված ծրագրերի շահառուները մեր հազարավոր քաղաքացիներն են։
Արցախը հայկական պահելու մեր մյուս խոշորամասշտաբ ծրագրերին կանդրադառնամ առաջիկայում»,- մասնավորապես գրել է Հարությունյանը։
