06.11.2024 | 18:32
Հայաստանի արտաքին առևտրաշրջանառությունը հունվար-սեպտեմբերին կազմել է ավելի քան 23 մլրդ դոլար
Հունաստանը պաշտոնապես դիմել է ԱՄՆ-ին` F-35 կործանիչներ գնելու համար
Քաղաքականություն
01.07.2022 | 13:58
Հունաստանը նամակ է ուղարկել ԱՄՆ-ին պաշտոնական դիմումով՝ գնելու ամերիկյան F-35 կործանիչների էսկադրիլիա։ Associated Press-ի փոխանցմամբ՝ Մադրիդում ՆԱՏՕ-ի գագաթնաժողովի շրջանակում Հունաստանի վարչապետ Կիրիակոս Միցոտակիսն այս մասին հայտնել է լրագրողներին։
Նա չի բացառել, որ ավելի ուշ Հունաստանը կարող է նման ինքնաթիռների լրացուցիչ խմբաքանակ պատվիրել։
«Այդ գործընթացի մասը դիմում-նամակի ուղարկումն է։ Եվ վերջերս մենք դա արել ենք»,- ասել է նա։
Միցոտակիսը պարզաբանել է, որ հայտի քննարկումը երկար գործընթաց է, և որ ըստ Աթենքի՝ գործարքից հետո կործանիչները Հունաստան կժամանեն 2027-2028 թվականներից ոչ շուտ։
Հունաստանն ավելի վաղ արդեն պատվիրել էր ֆրանսիական 24 Rafale կործանիչներ, որից 6-ը՝ նոր, իսկ 18-ը նախկինում ծառայել է Ֆրանսիայի ռազմաօդային ուժերին, ինչպես նաև երեք ֆրանսիական ֆրեգատ։
Հավելենք, որ ԱՄՆ-ը Թուրքիային հեռացրել է F-35 կործանիչների ծրագրից՝ ռուսական C-400 համակարգերի գնման պատճառով։
Էմմա Չոբանյան
