18.05.2026 | 19:00
Փաշինյանը չպիտի պրովոկացիաներին տրվի, փայլուն գիտի՝ ՌԴ-ն ինչեր է ծրագրել իր սատելիտ ուժերի միջոցով․ Աղասի Թադևոսյան
Առողջապահության փոխնախարարը հանդիպել է Համաշխարհային բանկի ներկայացուցիչներին
24.06.2022 | 14:17
Առողջապահության նախարարի առաջին տեղակալ Լենա Նանուշյանն ընդունել է Համաշխարհային բանկի ներկայացուցիչներին․ տեղեկացնում են ՀՀ ԱՆ-ից։
Ողջունելով հյուրերին` Լենա Նանուշյանը կարևորել է համավարակի թուլացումից հետո համագործակցությունն ակտիվացնելու հնարավորությունը:
Համաշխարհային բանկի ներկայացուցիչներն ընդգծել են, որ COVID-19-ի հետ կապված իրավիճակը հաղթահարելու հարցում առողջապահության նախարարության նախաձեռնած քայլերը և առաջընթացն ակնառու են:
Նախարարի տեղակալ Լենա Նանուշյանը ներկայացրել է առողջապահության ոլորտի հիմնական առաջնահերթությունները` առողջության համապարփակ ապահովագրության ներդրում, առողջության առաջնային պահպանման օղակի հզորացում, առողջապահական ծառայությունների որակի բարելավման ռազմավարություն:
Քննարկվել են առողջության համապարփակ ապահովագրության ներդրման հայեցակարգի նախագծին, միջգերատեսչական համագործակցությանը, ֆինանսավորման աղբյուրներին և ժամկետներին վերաբերող հարցեր:
Լենա Նանուշյանն ընդգծել է, որ COVID-19-ի և պատերազմի ընթացքում առողջապահական խնդիրների լուծման ուղղությամբ ձևավորված վստահության մթնոլորտը լավ հիմք է երկարաժամկետ և իրատեսական բարեփոխումների իրականացման համար:
Համաշխարհային բանկի ներկայացուցիչներն իրենց աջակցությունն են հայտնել առողջապահության ոլորտում գործադրվող ջանքերին` կարևորելով կայունության և կանխատեսելիության գործոնները:
