Քաղաքականություն
21.06.2022 | 12:19«Մեկուկես տարի առաջ Երևանի ավագանու կադրերի բաժինը վերակազմավորվեց և ստեղծվեց անձնակազմի կառավարման վարչությունը՝ երեք բաժիններով… Հիմնավորումն այն էր, որ աշխատակիցների բազա չկար: Այսօր, ըստ էության, սխալների ուղղում ենք կատարում»,- այս մասին այսօր Երևանի ավագանու նիստում նշեց ավագանու անդամ Անահիտ Ասատրյանը՝ հավելելով, որ անհրաժեշտ է խնդիրները լուծել ինստիտուցիոնալ մոտեցում ցուցաբերելով, բայց դեռ չի ստացում:
«Հմուտ մասնագետներից փորձում ենք ազատվել: Նույնիսկ եղել է պաշտոնյա, որն այս դահլիճում ասել է՝ մեզ պետք չեն 10 տարվա փորձ ունեցող աշխատակիցներ, մեզ պետք են անփորձ մարդիկ, որոնց կսովորեցնենք քաղաքացիների փողերով, բայց արդյո՞ք քաղաքացիները պատրաստ են վճարել այդ մարդկանց սովորեցնելու համար, որոնք հետո կգնան բիզնեսում իրենց ներդրումը կունենան»,- նշեց ավագանու անդամը:
Ասատրյանի դիտարկմամբ՝ Երևանի քաղաքապետարանը ծառայությունների մատուցման առումով այնքան էլ կայացած կառույց չէ: «Ես հարցում եմ արել, որի համաձայն՝ 2018թ. հետո իր դիմումի համաձայն քաղաքապետարանից հեռացել է 1305 աշխատակից, այն դեպքում, երբ հաստիքների ընդհանուր թիվը մոտ 2000 է»,- նշեց ավագանու անդամը:
Մանրամասները՝ տեսանյութում:
