24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Շիրակի մարզում կարտոֆիլն էժանացել է․ Լարսում կուտակումների պատճառով արտահանողները խնդիրներ ունեն
Տնտեսություն
20.06.2022 | 22:20
Գյումրու շուկաներում կարտոֆիլի գինը նվազել է 50-100 դրամով․ եթե անցած շաբաթ մեկ կիլոգրամը վաճառվում էր 350 դրամով, ապա այսօր՝ 250-300 դրամով։
Ըստ շիրակցի ֆերմերների՝ այն ավելի կէժանանա։ Պատճառն այն է, որ կարտոֆիլագործները չեն կարողանում իրենց արտադրանքը նախորդ տարիների պես արտահանել Ռուսաստանի Դաշնության շուկա։
«Անհնար է արտահանել, չե՞ք տեսնում ինչ է կատարվում Լարսի անցակետում, հայկական բեռնատարները օրերով շանս չունեն անցնելու։
Ինչքա՞ն կարելի է սպասել, հերթի կանգնել, մինչև հերթդ հասնի, ապրանքդ լրիվ կփչանա, լավ է տեղի շուկայում իրացնես»,- մեզ հետ զրույցում ասաց ֆերմերներից մեկը։
Կարտոֆիլագործներն այս սեզոնին էժանացում են կանխատեսում, քանի որ Արարատյան դաշտավայրում սկսվել է առաջին բերքահավաքը, որին կհաջորդի բերքահավաքը Լոռու մարզում, այնուհետ՝ Շիրակում։
Հիշեցնենք, որ շիրակցի ֆերմերները մեզ հետ զրույցում դժգոհել էին պարարտանյութի, դիզվառելիքի ու տնկանյութի թանկանալուց։ Նրանք պնդում էին, որ մեկ հեկտար մշակելը կրկնակի թանկ է նստում իրենց վրա։
Արմիկ Մովսիսյան
