23.11.2024 | 11:00
Հոկտեմբերին եկամուտ ստացող աշխատատեղերի թվաքանակը կազմել է 779 151․ ՊԵԿ
Դումանյանը` ռաբիս երգիչներին տրված վաստակավորի կոչումները հետ վերցնելու հավանականության և նոր նախագծի մասին․ ՏԵՍԱՆՅՈՒԹ
Հասարակություն
17.06.2022 | 13:02
«Մշակույթի գործիչներին պատվավոր կոչումներ տալու հստակ չափանիշներ չկան: Ավելորդ դասակարգում է առաջանում»,- այսօր կառավարության նիստից հետո լրագրողների հետ ճեպազրույցում նման տեսակետ հայտնեց ԿԳՄՍ նախարար Վահրամ Դումանյանը` անդրադառնալով դիտարկմանը, որ կառավարությունը հանրային քննարկման է ներկայացրել «ՀՀ պետական պարգևների ու պատվավոր կոչումների մասին» օրենքում փոփոխությունների նախագիծ, որով առաջարկվում է չեղարկել ՀՀ ժողովրդական արտիստի, ՀՀ ժողովրդական նկարչի, ՀՀ վաստակավոր արտիստի և ՀՀ վաստակավոր նկարչի կոչումները։
Միաժամանակ, որպես վաստակի գնահատման չափանիշ, նախարարությունն առաջարկում է պահպանել ՀՀ արվեստի վաստակավոր գործչի և ՀՀ մշակույթի վաստակավոր գործչի կոչումները։
Խոսելով ռաբիս երգիչներին տրված վաստակավորի կոչումները հետ վերցնելու հավանականության և նոր նախագծի մասին՝ Դումանյանն ընդգծեց. «Մշակութային գործիչների իրական գնահատականը տալիս է հանդիսատեսը, իրական գնահատականը տրվում է ժողովրդի, երկրպագուների կողմից: Չեմ կարծում, որ արժե դրա վրա ժամանակ ծախսել։ Ի վերջո, վկայականով չի որոշվում` դու ժողովրդակա՞ն արտիստ ես, թե ոչ։ Ժողովրդականը նա է, որ նույնիսկ կասկած չի առաջանում, որ ժողովրդական է։ Նման անուններ մենք ունենք, դուք գիտեք, չարժե նույնիսկ մանրացնել այդ խոսակցությունը»։
Մանրամասները՝ տեսանյութում:
