19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Բաքվի հերթական քարոզչական հայտարարությունը․ Ադրբեջանն Արցախին առաջարկում է «գազ մատակարարել ավելի էժան գնով»
Քաղաքականություն
02.06.2022 | 21:30
Բաքվի իշխանությունները պատրաստ են հաշված ժամերի ընթացքում Արցախին ապահովել բնական գազի և էլեկտրաէներգիայի մատակարարմամբ՝ Ադրբեջանի ներքին ենթակառուցվածքներով։ Քարոզչական հերթական հայտարարությամբ հանդես է եկել Ադրբեջանի էներգետիկայի փոխնախարար Էլնուր Սոլթանովը, գրում են ադրբեջանական լրատվամիջոցները։
«Տեխնիկապես մենք դրան պատրաստ ենք։ Եթե համապատասխան որոշում ընդունվի, ապա կարող ենք ապահովել գազի մատակարարումը հաշված ժամերի ընթացքում։ Ղարաբաղի հայ բնակչությունը կվճարի գազի դիմաց ավելի քիչ, քան հիմա»,-ասել է Սոլթանովը։
Նա ասել է, որ նույնը վերաբերվում է նաև էլեկտրամատակարարմանը։
Հավելենք, որ այս տարվա մարտին երկու անգամ Արցախի գազամատակարարումը դադարեցվել էր Ադրբեջանի իշխանությունների հրահանգով, որոնք թույլ չէին տալիս մոտենալ ու վերանորոգել վնասված գազամուղը։
Էմմա Չոբանյան
