15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ավետիք Չալաբյանը կմնա կալանքի տակ
Հասարակություն
31.05.2022 | 17:05
ՀՀ վերաքննիչ քրեական դատարանը՝ նախագահությամբ դատավոր Արմեն Դանիելյանի, հասարակական-քաղաքական գործիչ Ավետիք Չալաբյանին կալանքից ազատելու մասին փաստաբանների բողոքը մերժել է։ Այս մասին Factor.am-ին տեղեկացրեց փաստաբան Վարազդատ Հարությունյանը։ Փաստաբանները համաձայն չեն այն հիմքերի հետ, ըստ որոնց, Չալաբյանը կալանավորված է։
«Մենք որոշումը դեռ չենք ստացել, միայն եզրափակիչ մասն է հրապարակվել, բայց ողջ ընթացքում այն տպավորությունն էր, որ անհնար է՝ մեր բողոքը չբավարարվի։ Մանրամասն փաստարկել էինք կալանավորման որոշման անհիմն ու չպատճառաբանված լինելը։ Իսկ դատախազության կողմից որևէ քական հակափաստարկ չի ներկայացվել»,- նշեց փաստաբանը։ Նրա խոսքով՝ ակնհայտ է, որ սա քաղաքական հետապնդում է։
Հիշեցնենք, որ Չալաբյանին ձերբակալել էին այն բանից հետո, երբ լրատվական կայքերից մեկում հրապարակվել էր «1000 դրամ յուրաքանչյուր ուսանողի համար, Ագրարային համալսարանի դասախոսը դրդում է ուսխորհրդի նախագահին գումարի դիմաց կազմակերպել, որպեսզի ուսանողները մասնակցեն ընդդիմության հավաքներին՝ յուրաքանչյուր ուսանողի դիմաց առաջարկելով 1000 դրամ» վերտառությամբ ձայնագրություն։ Ձայնագրության հետքերով գնացել էր նաև Factor.TV-ն։
Ըստ քննչական կոմիտեի հաղորդագրության՝ քննությամբ պարզվել է, որ ենթադրյալ հանցագործությունը կատարած անձինք քաղաքական ընդդիմության կողմից կազմակերպվող հավաքներին մասնակցելու և որոշակի գործողություններ կատարելու դիմաց Հայաստանի ազգային ագրարային համալսարանի ուսանողական խորհրդի նախագահին նյութապես շահագրգռել են՝ առաջարկելով երկու հազար ուսանողի հավաքներին ներգրավելու դիմաց տրամադրել 2.000.000 ՀՀ դրամ գումար: Ինչպես տեղեկացնում են ՀՀ քննչական կոմիտեից, ձեռք բերված բավարար ապացույցների համակցությամբ, ՀՀ քրեական օրենսգրքի 163-րդ հոդվածի 3-րդ մասի 2-րդ կետով մեղադրանք է առաջադրվել երկու անձի, որոնցից Ավետիք Չալաբյանի նկատմամբ որպես խափանման միջոց էր ընտրվել կալանավորումը:
Նախաքննությունը շարունակվում է:
