16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Շվեդիան և Ֆիլանդիան մերժել են Թուրքիայի՝ FETO-ի և PKK-ի 33 անդամի արտահանձնելու դիմումները
Քաղաքականություն
16.05.2022 | 20:56
Շվեդիան և Ֆինլանդիան, որոնք ցանկանում են դառնալ ՆԱՏՕ-ի անդամ, հրաժարվում են Թուրքիային արտահանձնել FETO-ի և PKK-ի 33 անդամի, որոնց Անկարան կասկածում է ահաբեկչության մեջ, և որոնց արտահանձնման հարցով դիմել է երկու երկրների իշխանություններին, գրում է TRT Haber-ը։
Հրապարակման համաձայն՝ Թուրքիան Ֆինլանդիայից 12 հոգու արտահանձնման գործընթաց է նախաձեռնել, որից 6-ը FETO-ի, 6-ը՝ PKK-ի անդամ են։ Իսկ Շվեդիայից Անկարան պահանջում է արտահանձնել 21 հոգու, որից 10-ը FETO-ի, իսկ 11-ը՝ PKK-ի անդամ են։ Հաղորդվում է, որ դիմումները եղել են դատական որոշումներով ու ապացույցներով փաստագրված, սակայն դիմումներից ոչ մեկին դրական արձագանք չի եղել։
Հիշեցնենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ իր երկիրը դրական չի դիտարկում ՆԱՏՕ-ին Շվեդիայի և Ֆինլանդիայի անդամակցությանը՝ «քրդական զինյալ խմբավորումներին աջակցելու պատճառով»։ ԱԳ նախարար Մևլութ Չավուշօղլուն էլ հայտարարել էր, որ Թուրքիան դեմ չէ ՆԱՏՕ-ի բաց դռների քաղաքականությունը, սակայն մի շարք պայմաններ ունի։
«Անպայման պետք է լինեն անվտանգության երաշխիքներ։ Այդ երկրները պետք է դադարեցնեն աջակցել ահաբեկչական կազմակերպություններին։ Արտահանման սահմանափակումները այնպիսի դաշնակցի համար, ինչպիսին Թուրքիան է, նույնպես պետք է հանվեն»,- ասել էր Չավուշօղլուն։
Էմմա Չոբանյան
