15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
ՀԱՊԿ ղեկավարները Մոսկվայում բազմակողմ փաստաթղթեր կստորագրեն
Քաղաքականություն
16.05.2022 | 13:40
Հավաքական անվտանգության պայմանագրի կազմակերպության (ՀԱՊԿ) անդամ երկրների ղեկավարները Մոսկվայում հանդիպման ժամանակ կստորագրեն բազմակողմ փաստաթղթեր, այդ թվում՝ կազմակերպության Հավաքական անվտանգության խորհրդի հայտարարությունը, ասված է հանդիպման համար պատրաստված նյութերում, գրում է ՌԻԱ Նովոստին։
«Նիստի ընթացքում ստորագրման համար պատրաստվել են բազմակողմ փաստաթղթեր, այդ թվում՝ ՀԱՊԿ Հավաքական անվտանգության խորհրդի հայտարարությունը Հավաքական անվտանգության պայմանագրի 30-ամյակի և Հավաքական անվտանգության պայմանագրի կազմակերպության 20-ամյակի կապակցությամբ»,- նշված է նյութերում։
Տեղեկացվում է, որ Հավաքական անվտանգության պայմանագրի կազմակերպության անդամ երկրների ղեկավարները Մոսկվայում հանդիպմանը կքննարկեն ռազմական համագործակցության խորացման հարցեր, այդ թվում՝ Աֆղանստանից եկող սպառնալիքների ֆոնին, ինչպես նաև ուշադրություն կդարձնեն կենսաբանական անվտանգության հարցերին։
Տաթև Ֆռանգյան
