Դպրոցի տնօրենին կօգտագործե՞ն ընտրություններում, թե կստիպեն ավելի պրոֆեսիոնալ լինել․ նոր կարգ կներդրվի. ՏԵՍԱՆՅՈւԹ

Լուրեր

16.11.2026 | 14:42
Ալիևի սոցցանցերի էջերը կիբերհարձակման են ենթարկվել․ X-ում ընդդիմադիրների տեսանյութեր են հայտնվել
16.11.2026 | 14:34
Վրաստանը Հայաստանին է հանձնել սպանության և սպանության փորձի համար հետախուզվող անձի
16.11.2026 | 14:24
Ջենսեն Հուանգը քննարկում է Nvidia վերադառնալու հնարավորությունը․ FT
16.11.2026 | 14:16
Երեխան պետք է գնա դպրոց մի տեղ, որտեղ ոտքով կարող է հասնել․ Տիգրան Ավինյան․ ՏԵՍԱՆՅՈՒԹ
16.11.2026 | 14:08
Բռնցքամարտիկ Արթուր Բազեյանը հանդես է եկել Եվրոպայի հավաքականի կազմում
16.11.2026 | 14:03
«Անթաքույց բռնությունն ու վիրավորանքը չեն կարող արդարացվել»․ ՀՌՀ-ն քննադատել է Հանրայինի «Մեծ բանավեճ» հաղորդման հեռարձակումը
16.11.2026 | 14:00
Տնկվել է 2600 ծառ․ Տորք Անգեղի այգու շինարարությունը շարունակվում է․ ՏԵՍԱՆՅՈՒԹ
16.11.2026 | 13:56
ՀՀ սահմանը հատած ադրբեջանցի զինծառայողի գործն ուղարկվել է դատարան
16.11.2026 | 13:51
Մուրացկանի դեմքով անընդհատ չպիտի կանգնենք. Ավինյանը՝ կառավարությունից ֆինանսավորում ստանալու մասին․ ՏԵՍԱՆՅՈՒԹ
16.11.2026 | 13:40
ՌԴ նախագահի աշխատակազմը պատգամավորներին կոչ է արել պատրաստվել Ուկրաինայի դեմ պատերազմում «հաղթանակին»
16.11.2026 | 13:31
Ալեքսանդր Միշիև. «Անիրական զգացողություն է խաղալ ազգային հավաքականում». ՏԵՍԱՆՅՈՒԹ
16.11.2026 | 13:22
Նարատիվ է տարածվում, թե Երևանի իշխանությունը մարդկանց սորտավորում է․ Սուրեն Գրիգորյան․ ՏԵՍԱՆՅՈՒԹ
16.11.2026 | 13:18
Հայաստանի ձյուդոյի ֆեդերացիայի նախագահը վերընտրվել է
16.11.2026 | 13:14
ՆԳՆ-ի և Ճանապարհային ոստիկանության անունից կեղծ հաղորդագրություններ են տարածվում․ քաղաքացիներից փորձում են գումար հափշտակել
16.11.2026 | 13:05
Առաջին 20 տեսանյութերն ուղարկվել են ՆԳՆ. փոխքաղաքապետը՝ արգելված վայրերում կայանումների մասին․ ՏԵՍԱՆՅՈՒԹ
Բոլորը

Հանրակրթական դպրոցների տնօրենները շուտով ոչ թե կընտրվեն, այլ կնշանակվեն։ Գործող կարգավորման համաձայն՝ տնօրենի ընտրությունն իրականացնում է ուսումնական հաստատության՝ 9 հոգուց բաղկացած խորհուրդը՝ 2 մանկավարժ, 2 ծնող, լիազոր մարմնի՝ մարզպետարանի 4 ներկայացուցիչ և 1 հոգի՝ ԿԳՄՍ նախարարությունից։ Ընտրվելու համար հարկավոր է առնվազն 6 ձայն։

Նախարարությունն այժմ մշակում է նոր կարգավորում, ըստ որի՝ տնօրենը քվեարկությամբ չի ընտրվի, այլ կնշանակվի լիազոր մարմնի կողմից։

«Փոփոխության էությունն այն է, որ տնօրենին արդեն ընտրելու է մասնագիտական հանձնաժողովը, այսինքն՝ մասնագետներ, որոնք հստակ պատկերացնում են տնօրենի գործառույթները, աշխատանքային պարտականությունները, կարող են գնահատել թեկնածուի համապատասխան հմտությունները և կատարել ընտրություն»,- նշում է «Կրթության զարգացման և նորարարության ազգային կենտրոն» (ԿԶՆԱԿ) հիմնադրամի տնօրեն Արտաշես Թորոսյանը։

Կրթության փորձագետ Ատոմ Մխիթարյանն այն համոզմանն է, որ այս փոփոխությունը քաղաքական իշխանությունների համար միջոց է՝ դպրոցներում նշանակելու իրենց համար ցանկալի տնօրենների, որոնք ընտրությունների ժամանակ կապահովեն որոշակի ձայներ։

«Հատկապես գյուղական համայնքներում գտնվող յուրաքանչյուր ուսումնական հաստատություն ունի բարձր հեղինակություն, վարկանիշ, և տնօրենների խոսքը շատ կարևոր է հասարակական տրամադրությունների ստեղծման ու ընտրությունների վերջնական արդյունքի վրա ազդելու առումով»,- ասում է նա։

Երևանի թիվ 198 ավագ դպրոցի տնօրեն Սարգիս Խաչատրյանը շեշտում է՝ խորհուրդներում ներգրավված անձինք, որոնք դպրոցի տնօրեն են ընտրում, հաճախ գաղափար չունեն դպրոցական համակարգի, ներքին գործընթացների մասին, ուստի շատ տնօրեններ ընտրվելիս կարող են կենացի մակարդակի ծրագիր ներկայացնել և անցնել։

«Կոմպետենտ մարդիկ պետք է անեն ընտրությունը, նշանակեն այդ մարդուն և պահանջներ ներկայացնեն։ Նախկինում, երբ տնօրենի գործունեության առնչությամբ դժգոհություն էին ներկայացնում նախարարություն, պատասխանում էին՝ ձեր ընտրած տնօրենն է, ոնց ընտրել եք, այնպես էլ կարգավորեք հարցերը։ Իսկ այս փոփոխության դեպքում պետությունը չի կարող խուսափել պատասխանատվությունից»,- շեշտում է նա։

Օրեր առաջ Երևանի Չեխովի անվան թիվ 55 դպրոցում, օրինակ, տնօրենի ընտրության 3-րդ փորձն էլ տապալվեց։ Տնօրենի ընտրության գործող կարգով պայմանավորված՝ ոչ մի թեկնածու հաղթող չի ճանաչվում:

Թիվ 198 ավագ դպրոցի տնօրեն Սարգիս Խաչատրյանը, անդրադառնալով տնօրենի ընտրության կարգի փոփոխությանը, շեշտում է՝ հարկավոր է այնպիսի մեխանիզմներ մշակել, որ դպրոցները նմանատիպ խնդիրների առջև չկանգնեն, բացի այդ՝ կարևոր է ընտրության հարցում սուբյեկտիվ մոտեցումների բացառումը։

Կարգը, թե ինչպես և ով է ընտրելու մասնագիտական հանձնաժողովի անդամներին, որոնք էլ իրենց հերթին կընտրեն դպրոցի տնօրեններին, դեռևս մշակման փուլում է։ Փորձագետները հույս են հայտնում, որ եթե նախարարությանը հաջողվի զերծ մնալ կոռուպցիոն ռիսկերից, դպրոցների տնօրենների պաշտոնում առաջիկայում, գուցե, տեսնենք ավելի արժանավոր անձանց։

Մանրամասները՝ տեսանյութում։

Աննա Բաբաջանյան