20.05.2024 | 15:51
Կիսում ենք Իրանի եղբայրական ժողովրդի հետ ողբերգական այս ցավը. Սիմոնյանը՝ Մեջլիսի նախագահին
Չեղած թեկնածուի փնտրտուքն ու քաղաքական իրականությունը. ԵզրաԿԱՑՈՒԹՅՈՒՆ
Հաղորդաշարեր
28.04.2018 | 18:21
ՀՀ վարչապետի պաշտոնակատար Կարեն Կարապետյանը «Շանթ» հեռուստաընկերության եթերում անդրադառնալով վարչապետի թեկնածությանը, ասում է. «Ես կարծում եմ, որ պարոն Փաշինյանն ունի ծրագիր՝ ինչպիսի՞ երկիր է ուզում կառուցել, ի՞նչ թիրախներ է դնում անվտանգության, արտաքին հարաբերությունների, տնտեսական աճի, սոցիալական, արդարության և այլն, բայց հենց մենք պետք է ընտրենք ծրագիրը: Մենք չենք ընտրում լավ, բարոյական, հեղինակություն ունեցող մարդու, մենք ընդունում ենք գաղափարը, և ես չեմ բացառում, որ այն համաքաղաքացիները, որոնք դժգոհ են այսօրվա քաղաքականությունից՝ կարող է իրենք բոլորն էլ ուզում են, որ հենց ինքը լինի վարչապետ, բայց կարող է և ոչ»:
Վարչապետի պաշտոնակատար Կարեն Կարապետյանի այս հայտարարությունը խիստ հակասության մեջ է նույն Կարապետյանի և մյուս հանրապետականների՝ ընդամենը վերջերս արած այլ հայտարարությունների հետ:
Ապրիլի 17-ին ՀՀԿ-ն, ի հակադրություն Կարեն Կարապետյանի վերոշարադրյալ մտքի, ընտրություն էր կատարում ոչ թե ծրագրի, այլ անձի, որին համարում էր անփոխարինելի: ՀՀԿ-ական բազմաթիվ գործիչներ շեշտում էին Սերժ Սարգսյանի անփոխարի լինելը, այդ թվում՝ հենց Կարեն կարապետյանը:
Ստացվում է՝ երբ խոսքը ՀՀԿ-ի քվեարկության մասին էր, կարևորը անձն էր, երբ խոսքը Նիկոլ Փաշինյանի մասին է, պետք է կարևորել ծրագիրը:
Իհարկե, անփոխարինելիության զգացումը երբեմն վատ ավարտ է ունենում, բայց հարց է առաջանում՝ իսկ ինչո՞ւ կարող է Սերժ Սարգսյանը ՀՀԿ գործադիր մարմնի և խորհրդի 240 անդամի համար լինել անփոխարինելի, իսկ Նիկոլ Փաշինյանը փողոցում ցույց անող հարյուր հազարների համար՝ ոչ:
Բացի այդ, պետության ապագայի մասին մտածող քաղաքական ուժ ՀՀԿ-ի համար խիստ տարօրինակ է վարչապետի սեփական թեկնածու առաջադրելու մտորումները: Չէ՞ որ իրենք ունեին ընդամենը մեկ թեկնածու, որն էլ անփոխարինելի էր: Երկրորդ թեկնածուն չունեին:
Ուրեմն չեղած բանի փնտրտուքը հավասար է զրո արդյունքի:
