09.03.2026 | 23:38
Պուտինն ու Թրամփը հեռախոսազրույց են ունեցել
Մենք երաշխավորում ենք, որ Հայաստանը կմնա ՀԱՊԿ անդամ. Նիկոլ Փաշինյանը՝ Գյումրիում. ՏԵՍԱՆՅՈՒԹ
Քաղաքականություն
27.04.2018 | 21:35
Նիկոլ Փաշինյանը Գյումրու Վարդանանց հրապարակում ընթացքող հանրահավաքի ժամանակ նշեց, որ այս հարթակը, որ ղեկավարում է սիրո, թավշյա հեղափոխությունը հիմա ուզում են ներկայացնել, թե իշխանության գալուց հետո քաղաքական, աշխարհաքաղաքական, տնտեսական պատերազմներ են մղելու Ռուսաստանի դեմ:
«Ես ուզում եմ ընդամենը մի պարզ բան ասել, ես նույնիսկ չեմ ուզում ասել, որ մենք ամենևին էլ Ռուսաստանի թշնամին չենք, որովհետև դա պարզ է, բայց մենք առավելևս մեր սեփական երկրի թշնամին չենք, որ մեր երկիրը տանենք ոչ խելամիտ, արկածախնդիր ճանապարհով: Մենք երբեք չենք ասել և չենք ասում, որ Հայաստանը պետք է դուրս գա ՀԱՊԿ-ից, մենք երաշխավորում ենք, որ Հայաստանը կմնա ՀԱՊԿ անդամ, ոչ թե նրա համար, որ շատ կամ քիչ ենք սիրում այդ կազմակերպությունը, այլ որովհետև դա բխում է ՀՀ ազգային շահերից: Սակայն մենք նաև կաշխատենք, որպեսզի այդ կազմակերպությունը ավելի արդյունավետ լինի և շատ ավելի լուրջ երաշխիքներ ապահովի ՀՀ-ի և ԼՂՀ-ի համար, քան ապահովում է մինչև հիմա»,- ասաց նա՝ ընդգծելով, որ Հայաստանը հավատարիմ կմնա միջազգային իր բոլոր պարտավորություններին` ներառյալ ԵՄ-ի հետ կնքած խորը և համապարփակ համագործակցության պայմանագրին, ինչպես նաև ԵՏՄ պայմանագրին:
Մանրամասները տեսանյութում
