14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Շփման գծում գիշերը հանգիստ է եղել
Քաղաքականություն
23.06.2017 | 11:16
Արցախա-ադրբեջանական շփման գծում այս գիշեր հանգիստ է եղել․ հակառակորդի կողմից հրադադարի խախտման դեպքեր չեն գրանցվել։
Այս մասին Factor.am-ի հետ զրույցում ասաց Արցախի Հանրապետության ՊԲ մամուլի քարտուղար Սենոր Հասրաթյանը։
Հիշեցնենք, որ ըստ ՊԲ-ի հաղորդագրության՝ հունիսի 21-ի լույս 22-ի գիշերը ադրբեջանական հատուկ ջոկատայինների կողմից հակամարտ զորքերի շփման գծում ձեռնարկվել է դիվերսիոն ներթափանցման փորձ: ՊԲ ստորաբաժանումները հակառակորդին պատճառելով առնվազն 4 զոհ` հետ են շպրտել վերջինիս ելման դիրքեր:
Հունիսի 16-17-ին հակառակորդի կողմից հաստոցավոր հակատանկային նռնականետերից հրադադարի պահպանման ռեժիմի խախտման արդյունքում հայկական կողմն ունեցել է 4 զոհ և 3 վիրավոր։
ՊՆ կենտրոնական հոսպիտալում գտնվող 20-ամյա զինծառայող Յուրի Զաքարյանի վիճակը ծայրահեղ ծանր է, նույն հոսպիտալում գտնվող Արմեն Վարդանյանի վիճակը միջին ծանրության է։
Ինչ վերաբերում է Մալայանի անվան ակնաբուժական կենտրոնում գտնվող 33-ամյա մայոր Մյասնիկ Հովհաննիսյանին, ապա նրա վիճակը ևս վիճակը միջին ծանրության է։
