28.03.2026 | 12:55
Հատուկ առաջարկներ, ժամանակի և գումարի խնայողություն․ TOON EXPO INVEST 2026-ը Երևանում բացեց դռները․ ՏԵՍԱՆՅՈՒԹ
Բաքուն և Թեհրանը էներգետիկ հարցերով աշխատանքային խումբ են ստեղծում
Քաղաքականություն
06.04.2022 | 18:26
Ադրբեջանն ու Իրանն էներգետիկ հարցերով աշխատանքային խումբ են ստեղծում։ Այս մասին «Ինտերֆաքս»-ի ադրբեջանական ծառայությանը հայտնել են Ադրբեջանի կառավարությունից։
«Այդ հարցը քննարկվել է ադրբեջանա-իրանական միջկառավարական հանձնաժողովի նիստի շրջանակում, որը կայացել էր մարտին Բաքվում։ Նիստի արդյունքներով կողմերը պայմանավորվել են էներգետիկ հարցերով աշխատանքային խումբ ստեղծել»,- հայտնել են լրատվամիջոցին։
Նշվում է, որ աշխատանքային խումբն ուսումնասիրելու է Արցախի գրավյալ տարածքներում իրանական ընկերությունների կողմից էլեկտրակայանի կառուցումն ու էներգիայի փոխադրումը էներգետիկ միջանցքով Իրանից Նախիջևան։
Բացի այդ, կողմերը պայմանավորվել են անցկացնել տեխնիկական ու կոմերցիոն գնահատում՝ Ադրբեջանի տարածքով Թուրքիա իրանական էլեկտրաէներգիայի մատարակարման հետ կապված գործնական առաջարկներ պատրաստելու նպատակով։
Էմմա Չոբանյան
