06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Պակիստանի նախագահը ցրել է խորհրդարանը
Քաղաքականություն
03.04.2022 | 15:08
Պակիստանի նախագահ Արիֆ Ալվին վարչապետ Իմրան Խանի առաջարկով կիրակի օրը ցրել է Ազգային ժողովը (խորհրդարանի ստորին պալատը)։ «ՌԻԱ Նովոստի»-ի փոխանցմամբ՝ հայտնել է տեղեկատվության և հեռուստառադիոհեռարձակման պետական նախարար Ֆարրուհ Հաբիբը:
«Վարչապետը շարունակելու է իր պարտականությունները կատարել Սահմանադրության 224-րդ հոդվածին համապատասխան։ Նախարարների կաբինետը լուծարվել է»,- գրել է նախարարը Twitter-ում։
Դա տեղի է ունեցել այն բանից հետո, երբ ընդդիմությունը նախաձեռնել է վարչապետին անվստահություն հայտնելու փորձ ՝ մեղադրելով Խանին, որը իշխանության է եկել 2018 թվականին, երկրում տնտեսական իրավիճակը բարելավելու անկարողության, ինչպես նաև կոռուպցիայի մեջ: Երկրի խորհրդարանի ստորին պալատում կայացած նիստի ժամանակ փոխխոսնակ Քասիմ Սուրին հայտարարել է, որ նման քվեարկության անցկացումը հակասում է երկրի Սահմանադրությանը, ուստի չի կարող անցկացվել: Դրանից հետո նա ընդմիջում է հայտարարել խորհրդարանի աշխատանքում ։
Մինչդեռ ընդդիմությունը հայտարարել է, որ հրաժարվում է լքել խորհրդարանը և նստացույց է կազմակերպում։
Անցյալ շաբաթ Պակիստանի իշխող կուսակցությունը՝ «Թեհրիք-է-Ինսաֆ»-ը, կորցրել է կոալիցիոն հիմնական գործընկեր «Մութահիդ Քաումի» շարժման աջակցությունը՝ փաստացի կորցնելով իր մեծամասնությունը խորհրդարանում: Պակիստանի վարչապետ Իմրան Խանին անվստահություն հայտնելու համար ընդդիմությանն անհրաժեշտ էր ընդամենը 172 ձայն։ Մութահիդ Քաումիի շարժման գալով՝ ընդդիմությունը խորհրդարանում 177 ձայն ուներ իշխող կուսակցության 164 ձայնի դիմաց:
