Հասարակություն
30.03.2022 | 13:08ԱԺ Պետական-իրավական հարցերի մշտական հանձնաժողովում ԿԸՀ նախագահ Տիգրան Մուկուչյանը ներկայացրեց նախորդ երկու տարիներին ԿԸՀ-ի իրականացրած գործունեության հաշվետվությունը, որից հետո պատգամավորները նրան հարցեր ուղղեցին:
«Հայաստան» խմբակցության պատգամավոր Արամ Վարդևանյանը, անդրադառնալով ընտրական պրոցեսներին, նշեց, որ իր դիտարկմամբ՝ ընտրական պրոցեսները ժամանակի ընթացքում կատարելագործվել են, ռեֆորմներ են տեղի ունեցել Սահմանադրությունից մինչև դատական համակարգ և ԿԸՀ, այդուհանդերձ կան խնդիրներ:
«Վստահ եմ՝ մեր համաքաղաքացիներից շատերը համապետական ընտրություններից հետո Սահմանադրական դատարանում հետևում էին գործի քննությանը, մեր ներկայացրած հիմնավորումներին, որոնք ոչ թե քաղաքական գնահատականներ էին, այլ իրավական հիմնավորումներ, և այստեղ գերակշռողը փաստական հանգամանքներն էին…
Հայաստանում բոլորը գիտեն մի բան. ընտրկական ցուցակները ուռճացված են: Այդ խնդիրը նախկինում էլ է եղել և պահպանվել է նաև 2018-ին ու 2021-ին: Մենք բոլորս հասկանում ենք՝ որքան մարդ է բնակվում Հայաստանում, նրանցից քանիսն ունեն ընտրելու իրավունք, բայց ցուցակներով այլ թիվ ենք տեսնում: Մենք բարձրաձայնում էինք այդ խնդիրը և լուծման բանալին էինք տալիս, ասում էինք՝ թող ԱԱԾ-ն ստուգի այդ 100 հազարից ավել մարդկանց տվյալները: ԱԱԾ-ն որևէ գործողություն չիրականացրեց:
Ընտրական գործընթացը վստահության խնդիր ունի, այդ խնդիրը կարելի էր լուծել, ԱԱԾ-ն պետք է համադրեր, հասկանայինք՝ քանի անձ ՀՀ-ում չի եղել և մասնակցել է ընտրություններին»,- նշեց Վարդևանյանը:
Մանրամասները՝ տեսանյութում:
