26.11.2024 | 22:40
ՌԴ ՊՆ-ն Կուրսկի շրջանում ընկած ամերիկյան ATACMS-ի բեկորներ է ցուցադրել
Ջո Բայդենը Լեհաստանում կհանդիպի ուկրաինացի փախստականներին․ CNN
Քաղաքականություն
25.03.2022 | 18:10
ԱՄՆ նախագահ Ջո Բայդենը շաբաթ օրը Լեհաստանում կհանդիպի ուկրաինացի փախստականների և մարդասիրական կազմակերպությունների ամերիկացի աշխատակիցների հետ։ Այս մասին հայտնել է Սպիտակ տան ազգային անվտանգության հարցերով խորհրդական Ջեյք Սալիվանը, գրում է CNN-ը։
Նա նշել է, որ նախագահը նաև հանդես է գալու «կարևոր ուղերձով» և հանդիպելու է Լեհաստանի նախագահ Անջեյ Դուդայի հետ։
«Նա վաղը հանդես կգա հիմնական ուղերձով, որը կխոսի առջևում սպասվող մարտահրավերի հրատապության մասին, ինչ է նշանակում ուկրաինական հակամարտությունն աշխարհի համար և ինչու է կարևոր, որ ազատ աշխարհը պահպանի միասնականությունն ու վճռականությունը ռուսական ագրեսիայի պայմաններում»,- ասել է Սալիվանը լրագրողների հետ զրույցում։
Էմմա Չոբանյան
