Տեսանյութեր
17.03.2022 | 14:15«Եթե ռուս-ուկրաինական պատերազմը երկար տևի, ի՞նչ իրավիճակում կհայտնվի Հայաստանը: Եթե տևական բնույթ կրի այս հակամարտությունը, կանխատեսումները լավատեսական չեն. ոչ միայն Ռուսաստանի արտահանումը, այլ նաև արտադրությունը կարող է պակասել»,- այս մասին «Հացահատիկի դեֆիցիտի ռիսկը. ի՞նչ պետք է անի Կառավարությունը» թեմայով քննարկման ժամանակ նշեց «Ամբերդ» հետազոտական կենտրոնի փորձագետ Սամվել Ավետիսյանը:
«Հիմա Ռուսաստանի որոշ տարածաշրջաններում ցանքի այս շրջանում առաջվա տեմպը չկա, իսկ Ուկրաինայում գարնանային գյուղատնտեսական աշխատանքները վտանգված են: Այս ամենն ազդեցություն կունենա հացահատիկի արտահանման ծավալների վրա:
Հայաստանը պետք է կարողանա ինքնաբավության ծավալները մեծացնել»,- նշեց Ավետիսյանը՝ նաև ընդգծելով, որ Հայաստանի վարելահողերի ընդամենը 50 տոկոսն է մշակվում, քանի որ հացահատիկային կուլտուրաներից ստացվող եկամուտը շատ փոքր է:
Մանրամասները՝ տեսանյութում:
