08.06.2026 | 21:33
Բաքվի դատախազը պահանջել է Toplum TV-ի լրագրողներին դատապարտել 13-16 տարվա ազատազրկման
Հաագայի միջազգային դատարանը ՌԴ-ից պահանջել է դադարեցնել Ուկրաինայի հետ պատերազմը
Քաղաքականություն
16.03.2022 | 23:43
Հաագայի միջազգային դատարանը որոշել է, որ Ռուսաստանը պետք է անհապաղ դադարեցնի ռազմական գործողությունները Ուկրաինայի տարածքում։ Դատարանը պահանջել է նաև Մոսկվայից և Կիևից զերծ մնալ ցանկացած քայլից, որը կարող է սրել հակամարտությունը, գրում է «Ամերիկայի ձայն»-ը։
ՄԱԿ-ի դատարանը մարտի 7-ին սկսել է Ուկրաինայի հայցի քննությունն ընդդեմ Ռուսաստանի։ Կիևը Մոսկվային մեղադրել է ցեղասպանության մասին միջազգային կոնվենցիան սխալ մեկնաբանելու մեջ։ Ըստ հայցվորի դիրքորոշման՝ կոնվենցիայի չարաշահումը ՌԴ իշխանությունների կողմից օգտագործվել է ուկրաինական տարածք ներխուժելու համար։
Ռուսաստանի նախագահ Վլադիմիր Պուտինը 2014 թվականից մինչև Ուկրաինայի հետ պատերազմի սկիզբը ուկրաինական Դոնբասում տեղի ունեցող իրադարձությունները սահմանելու համար բազմիցս օգտագործել է ցեղասպանություն եզրույթը։ Կիևը դատարանին խնդրում է միջանկյալ միջոցներ ձեռնարկել հայցի վերաբերյալ և Ռուսաստանից պահանջել դադարեցնել ռազմական ներխուժումը։
Դատարանը ոչ մի ապացույց չի գտել, որ Ուկրաինան իր տարածքում ցեղասպանություն է իրականացնում։
Մեկնաբանելով ՄԱԿ-ի դատարանի որոշումը՝ Ուկրաինայի նախագահ Վոլոդիմեր Զելենսկին ասել է, որ Կիևը լիակատար հաղթանակ է տարել Ռուսաստանի դեմ գործում։
Ռուսաստանը փետրվարի 24-ին իր զորքերը մտցրեց Ուկրաինայի տարածք՝ նախագահ Վլադիմիր Պուտինի հրամանով։ Այս ընթացքում, ՄԱԿ-ի տվյալներով, ավելի քան երեք միլիոն ուկրաինացիներ լքել են իրենց տները։
