18.07.2026 | 11:55
Արտարժույթների փոխարժեքները՝ հուլիսի 18-ի դրությամբ
ՌԴ ՊՆ-ն Կուրսկի շրջանում ընկած ամերիկյան ATACMS-ի բեկորներ է ցուցադրել
Քաղաքականություն
26.11.2024 | 22:40
Հաստատված տվյալների համաձայն՝ վերջին երեք օրվա ընթացքում Ուկրաինայի Զինված ուժերը երկու հարված են հասցրել արևմտյան հեռահար զինատեսակներով Կուրսկի շրջանի թիրախներին։ Այս մասին ասվում է ՌԴ պաշտպանության նախարարության հաղորդագրության մեջ, փոխանցում է BBC-ի ռուսական ծառայությունը։
«Հարձակման ենթարկված վայրերի ուսումնասիրության ընթացքում հաստատվել է, որ Ուկրաինայի զինված ուժերը հարձակումներ են իրականացրել ամերիկյան արտադրության ATACMS օպերատիվ-մարտավարական հրթիռներով»,- ասվում է ռուսական գերատեսչության հաղորդագրությունում։
Ուկրաինայի զինված ուժերը գրոհել են С-400 զենիթահրթիռային դիվիզիայի դիրքերը և Խալինո քաղաքի Կուրսկ-Վոստոչնի օդանավակայանը։ ՌԴ ՊՆ-ն պնդում է, որ այս հարձակումների ժամանակ ոչնչացվել է 10 ATACMS հրթիռ, երեքը հասել են իրենց թիրախին, ինչի հետևանքով տուժածներ կան, ենթակառուցվածքներ են վնասվել։
Գերատեսչությունը հայտնել է, որ «վերահսկում է իրավիճակը» և պատասխան է պատրաստում:
Թարգմանությունը՝ Տաթև Ֆռանգյանի
