18.07.2026 | 10:51
Վենեսուելայում երկրաշարժերի հետևանքով զոհերի թիվը գերազանցել է 5000-ը
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Քաղաքականություն
26.11.2024 | 23:20
Նախիջևանի հատուկ նշանակության ստորաբաժանման մի խումբ պահեստազորի սպաներ այսօր բողոքի ակցիա են անցկացրել Ադրբեջանի նախագահի վարչակազմի շենքի մոտ, գրում է Թուրան գործակալությունը։
Նշվում է, որ բողոքավորները մասնակցել են Արցախյան 44-օրյա պատերազմին, իսկ վիրավորում ստանալուց հետո զորացրվել են։ Նրանք հայտարարել են, որ իրենց հասանելիք վճարումները չեն ստանում։
Բողոքի ակցիայի մասնակիցների խոսքով՝ նախագահի հրամանագրով իրենք պետք է աշխատավարձի 36-ապատիկի չափով միանվագ նպաստ է տրվում։ Նախկինում նրանք տեղեկացրել են նախագահի աշխատակազմի ռազմական հարցերով վարչության ղեկավար Ֆարիդ Սեիդովին, սակայն, չնայած խոստումներին, որ հարցը կլուծվի, ՊՆ-ն նրանց գումարը չի վճարել։
«Ֆինանսական վարչությունը հարցում է ուղարկել ՊՆ հոսպիտալ՝ երկրորդ բուժզննման համար, թեև մեր հաշմանդամությունը փաստագրված է։ Մեր իրավունքները ոտնահարվում են՝ մեզ հասանելիք միջոցները յուրացնելու համար»,- հայտարարել է ցուցարարներից մեկը։
Ադրբեջանի ՊՆ-ն հարցի առնչությամբ մեկնաբանություններ չի ներկայացրել։
Թարգմանությունը՝ Էմմա Չոբանյանի
