17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Գերմանիան իրավունք չունի Taurus-ներ մատակարարել. Շոլց
Քաղաքականություն
26.11.2024 | 20:29
Գերմանիայի կանցլեր Օլաֆ Շոլցը խոստանում է կառավարության ղեկավարի պաշտոնում վերընտրվելուց հետո շարունակել «զգուշավոր քաղաքականությունը պատերազմի և խաղաղության հարցում»։ Այս մասին նա հայտարարել է ZDF հեռուստաընկերության Heute Journal հաղորդման եթերում։
Նա խոստովանել է, որ Եվրոպայում պատերազմը Գերմանիայի շատ քաղաքացիների համար անհանգստացնող թեմա է։
«Եվ նման պատերազմում դուք պետք է ուշադիր մտածեք՝ ինչպես լինել խելացի, ինչպես վարվել ուշադիր, ինչպես խելամտորեն վարվել, երբ խոսքը վերաբերում է պատերազմին և խաղաղությանը»,- ընդգծել է Շոլցը:
Նրա խոսքով՝ իրեն նյարդայնացնում է այն փաստը, որ գրեթե երեք տարի շարունակ հայտարարություններ են հնչում, թե «ինչ-որ բան բավականաչափ չի արվել, պետք է այլ բան անել, այնուամենայնիվ, հաճախ գրեթե չի նկատվում, որ Գերմանիան Շոլցի ղեկավարությամբ վաղուց դարձել է Ուկրաինային օգնության հիմնական մատակարարը»:
Կանցլերը պնդում է, որ Գերմանիան Կիևի ամենամեծ և ամենահուսալի երկրպագուն է, սակայն «իրավունք չունի» որոշ բաներ անելու, ինչպիսիք են հեռահար հրթիռների փոխանցումը և արդեն իսկ փոխանցված գերմանական զենքերով Ռուսաստանում թիրախների վրա հարձակումները թույլատրելը։
Շոլցի կարծիքով՝ «նման քաղաքականությունը պաշտպանվում է քաղաքացիների մեծամասնության կողմից, և դա հնարավոր կլինի միայն այն դեպքում», եթե ինքը շարունակի այն ներկայացնել։
Թարգմանությունը՝ Տաթև Ֆռանգյանի
