22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
Տրանսֆերտները կկրճատվեն շուրջ 20 տոկոսով. Մարտին Գալստյան․ ՏԵՍԱՆՅՈւԹ
Տեսանյութեր
15.03.2022 | 19:02
ՀՀ Կենտրոնական բանկի նախագահ Մարտին Գալստյանը՝ անդրադառնալով հարցին, թե ռուս-ուկրաինական իրավիճակն ի՞նչ ազդեցություն կարող է ունենալ տրանսֆերտների վրա, որոնց մի մասը հատկապես ստացվում էր Ռուսաստանից, նշեց, որ Կենտրոնական բանկը Հայաստանում սպասում է տրանսֆերտների նվազում:
«Մեր գնահատականների համաձայն՝ այս տարվա ընթացքում տրանսֆերտների որոշակի նվազում կունենանք, շատ նախնական գնահատականների համաձայն՝ շուրջ 20 տոկոսի չափ»,-ասաց Գալստյանը:
Անդրադառնալով վարկավորման տեմպի նվազման վերաբերյալ հարցին՝ Գալստյանը նշեց, որ վարկավորման վրա ազդեցություն ունեցող ամենամեծ գործոնը ընդհանուր անորոշությունն է:
«Երբ բիզնեսի, բանկերի համար պարզ կլինեն կոնֆլիկտի զարգացման, տնտեսությունների զարգացման հեռանկարները, կարծում եմ, որ ԿԲ-ի տոկոսադրույքի բարձրացումը, որը նպաստելու է երկրում գնաճային միջավայրի կարգավորմանը, ներդրողների տեսանկյունից շատ ավելի դրական քայլ է դիտվելու, մարդիկ ներդրումներ են իրականացնելու՝ հիմնվելով հենց մեր մակրոտնտեսական քաղաքականության վրա»,- նշեց ԿԲ նախագահը:
Մանրամասները տեսանյութում:
