09.06.2026 | 00:17
Մարկո Ռուբիոն շնորհավորել է Փաշինյանին
Որո՞նք են Բաքվի առաջարկները․Ադրբեջանի ԱԳՆ-ն հրապարակել է 5 կետերը․ ՏԵՍԱՆՅՈՒԹ
Քաղաքականություն
14.03.2022 | 16:53
Ադրբեջանի ԱԳՆ-ն հրապարակել է Հայաստանի հետ հարաբերությունների կարգավորման առաջարկները, որոնք ներկայացվել են պաշտոնական Երևանին, հաղորդում է «Սպուտնիկ»-ի ադրբեջանական ծառայությունը։
Առաջարկները 5-ն են՝
1․ Միմյանց ինքնիշխանության, տարածքային ամբողջականության, միջազգային սահմանների անխախտելիության և քաղաքական անկախության փոխադարձ ճանաչում,
2․ պետությունների՝ միմյանց նկատմամբ տարածքային պահանջների բացակայության փոխադարձ հաստատում և ապագայում նման պահանջներ չներկայացնելու իրավական պարտավորություն,
3․ ձեռնպահ մնալ միջպետական հարաբերություններում միմյանց անվտանգության սպառնալիքից, քաղաքական անկախության և տարածքային ամբողջականության դեմ սպառնալիքների և ուժի կիրառումից, ինչպես նաև ՄԱԿ-ի կանոնադրությանը չհամապատասխանող այլ դրսևորումներից,
4․ պետական սահմանի սահմանագծում և սահմանազատում, դիվանագիտական հարաբերությունների հաստատում,
5․ տրանսպորտի և հաղորդակցության բացում, համապատասխան այլ հաղորդակցությունների հաստատում և փոխադարձ հետաքրքրություն ներկայացնող այլ ոլորտներում համագործակցություն:
Նշվում է, որ Ադրբեջանը պատրաստ է Հայաստանի հետ խաղաղ պայմանագրի կնքման շուրջ բանակցություններին՝ պայմանով, որ Երևանը կընդունի այդ հինգ սկզբունքները:
Հիշեցնենք, որ ՀՀ ԱԳՆ-ն այսօր պատասխանել է Ադրբեջանի կողմից փոխանցված առաջարկներին և դիմել ԵԱՀԿ ՄԽ համանախագահությանը։
«Հայաստանի Հանրապետությունը պատասխանել է Ադրբեջանի Հանրապետության կողմից փոխանցված առաջարկներին և ՄԱԿ կանոնադրության, Քաղաքական և քաղաքացիական իրավունքների միջազգային դաշնագրի և Հելսինկիի Եզրափակիչ ակտի հիման վրա Հայաստանի Հանրապետության և Ադրբեջանի Հանրապետության միջև խաղաղության պայմանագրի կնքման նպատակով բանակցություններ կազմակերպելու համար դիմել է ԵԱՀԿ ՄԽ համանախագահությանը»,- ասված է հաղորդագրությունում։
