21.08.2026 | 17:53
2 կիլոգրամից ավելի կրիստալ տեսակի թմրամիջոց է հայտնաբերվել
Բաքուն Անկարայի և Բրյուսելի հետ քննարկում է Եվրոպա գազի մատակարարումների ավելացման հարցը
Քաղաքականություն
14.03.2022 | 15:55
Ադրբեջանը մտադիր է ավելացնել Եվրոպա գազի մատակարարումները Թուրքիայով և այդ հարցը քննարկվում է Բաքվի և Բրյուսելի միջև։ Այս մասին հայտարարել է Ադրբեջանի էներգետիկայի նախարար Փարվիզ Շահբազովը, գրում է ՏԱՍՍ-ը։
«Եվրոպա գազի մատակարարումները կավելանան։ Հարավային գազային միջանցքն ունի չօգտագործվող պոտենցիալ։ Թուրքիայի հետ միասին մենք կարող ենք Եվրոպա ավելի շատ գազ մատակարարել։ Մենք ԵՄ-ի և Թուրքիայի հետ այդ հարցով շփումների մեջ ենք»,- ասել է Շահբազովը։
Նա նշել է, որ Ադրբեջանն ունի բնական գազի պաշարներ, որոնք «100 տարի բավարար կլինեն ներքին սպառման ու Եվրոպա մատակարարման համար»։
«Մենք ունենք 2,6 տրիլիոն խորանարդ մետր ապացուցված գազի պաշարներ, կարող ենք բնական գազով ապահովել, մատակարարել մեր գործընկերներին և Եվրոպային 100 տարի շարունակ»,- ասել է ադրբեջանցի պաշտոնյան։
Նշենք, որ մարտի 10-ին Անկարա այցելած Ադրբեջանի նախագահ Իլհամ Ալիևը և Թուրքիայի նախագահ Ռեջեփ Թայիփ Էրդողանը քննարկել էին նաև երկու երկրների համագործակցությունը Եվրոպայի էներգետիկ անվտանգության ապահովման գործում։
Էմմա Չոբանյան
