09.02.2026 | 12:29
ԱՄՆ փոխնախագահի այցի կապակցությամբ որոշ փողոցներում երթևեկությունը կսահմանափակվի
ԱՀ ՆԳՆ-ը հորդորում է բնակիչներին խստագույնս պահպանել հակահրդեհային անվտանգության կանոնները
12.03.2022 | 16:47
ԱՀ ՆԳՆ-ից տեղեկացնում են, որ բնական գազի մատակարարման բացակայության պատճառով այս օրերին ԱՀ քաղաքացիների մեծ մասը կենցաղում օգտագործում է գազի բալոններ, որոնք հրդեհանվտանգության տեսակետից շատ վտանգավոր են:
ԱԻ պետական ծառայության 911 ահազանգման կենտրոնում արդեն գրանցվել է հրդեհի 2 դեպք, որոնց առաջացման պատճառը գազի բալոնի պայթյունն է: Բարեբախտաբար 2 դեպքում էլ լուրջ վնասներ չեն գրանցվել:
Բնակարաններում գազի բալոնի պայթյունը արտակարգ իրավիճակ է, որը կարող է հանգեցնել շատ լուրջ հետևանքների, հատկապես, եթե բալոնի մոտ այլ ապրանքներ կան:
Նման արտակարգ դրությունը կարող է հանգեցնել ոչ միայն գույքի ոչնչացման, այլև՝ խլել մարդկային կյանքեր։
Մետաղական բալոնների խնդիրն այն է, որ չափազանց դժվար է վերահսկել դրանցում գազի մակարդակը։
Պայթյունի պատճառ է նաև այն, որ բալոնում գազի հարաբերակցությունը չի համապատասխանում նորմերին։
«ՆԳ նախարարությունը հորդորում է ԱՀ քաղաքացիներին անցանկալի արտակարգ պատահարներից ու դեպքերից խուսափելու և դժբախտ ելքով պատահարները բացառելու նպատակով խստագույնս պահպանել հակահրդեհային անվտանգության կանոնները»,- ասվում է հաղորդագրության մեջ:
