15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Տիրայր Մուրադյանին բերման չեն ենթարկել, նրան ոստիկաններն ընդամենը մի քանի մետր տարել են մեքենայով, հետո իջեցրել մեքենայից. Աշոտ Ահարոնյան
Հասարակություն
20.04.2018 | 12:28
«Իրազեկ քաղաքացիների միավորում» ՀԿ-ի լրագրող Տիրայր Մուրադյանը բերման չի ենթարկվել. այս մասին Factor.am-ին ասաց Ոստիկանության լրատվության վարչության պետ Աշոտ Ահարոնյանը:
«Նրան ոստիկաններն ընդամենը մի քանի մետր են տարել մեքենայով, այնուհետև իջեցրել են մեքենայից»,- ասաց նա:
Հարցին՝ ինչո՞վ էր պայմանավորված նրան մեքենա նստեցնելը և տանելը, Աշոտ Ահարոնյանը պատասխանեց. «Այդ ամենի պատասխանը կտրվի ավելի ուշ»:
Հաջորդ հարցին, թե ինչու են հարվածել լրագրողի գլխին, Աշոտ Ահարոնյանը հակադարձեց, որ հարված չի եղել, ընդհամենը, ինչպես ընդունված կարգն է, ձեռքով գլուխը պահել են, որպեսզի գլուխը չհարվածի։
