Տեսանյութեր
21.02.2022 | 11:48Երևանի շենքերում 249 աղբախուց դեռ գործում է: Այս մասին կարգավարական խորհրդակցության ժամանակ նշեց Երևանի քաղաքապետարանի աշխատակազմի կոմունալ տնտեսության վարչության պետ Արսեն Կարոյանը՝ անդրադառնալով բազմաբնակարան շենքերի աղբամուղների փակման գործընթացին:
Նրա տեղեկացմամբ՝ փետրվարի 18-ի դրությամբ Երևանում փակվել է 6 աղբախուց, գործող աղբախուցերի քանակը 249 է, որից Արաբկիր վարչական շրջանում՝ 83 ,Կնետրոն վարչական շրջանում 137, Շենգավիթ վարչական շրջանում՝ 15, Քանաքեռ-Զեյթունում ՝ 2, և 6-ական՝ Մալաթիա և Նոր Նորք վարչական շրջաններում:
«Համատիրությունների կողմից գործընթացը վերսկսվել է, հաջորդ շաբաթ ավելի մեծ թվով փակված աղբախուցեր կլինեն»,- նշեց Կարոյանը:
Նա նաև տեղեկացրեց, որ եղանակների տաքանալուն զուգահեռ առնետների ակտիվություն է նկատվել:
Երևանի քաղաքապետ Հրաչյա Սարգսյանը հրահանգեց ուշադրություն դարձնել դեռատիզացիայի խնդրին:
Մանրամասները՝ տեսանյութում:
