Ոստիկանները հայտնաբերեցին Մաշտոցի պողոտայի և Թումանյան փողոցի խաչմերուկում տեղի ունեցած միջադեպի ևս մեկ մասնակցի. տեղեկացնում է ՀՀ ոստիակնության հասարակայնության հետ կապերի վարչությունը:
Քիչ առաջ ոստիկանության ծառայողների կողմից հայտնաբերվել է Երևան քաղաքի բնակիչ, 1986 թ. ծնված Մ. Ռ.-ն, որը կասկածվում է ապրիլի 17-ին, ժամը 23-ի սահմաններում, Մաշտոցի պողոտայի և Թումանյան փողոցի խաչմերուկում կատարված անկարգությունների մեջ:
Մ. Ռ.-ն ներկայացվել է նախաքննական մարմնին:
Նախաքննությունը շարունակվում է:
Հիշեցնենք, որ միջադեպի ականատես Factor.am-ը ուղիղ հեռարձակմամբ լուսաբանել էր այն:
