13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Ինչպես սկսվեցին Մաշտոց-Թումանյան խաչմերուկում անկարգությունները. ՏԵՍԱՆՅՈՒԹ
Տեսանյութեր
18.04.2018 | 18:42
Երեկ երեկոյան, ժամը 23: 30-ի սահմաններում, երբ ինչպես և բոլոր օնլայն լրատվամիջոցները, Factor TV-ն ևս հնգօրյա անընդմեջ հեռարձակումից հետո դադարեցրել էր ուղիղ եթերը, Մաշտոց-Թումանյան խաչմերուկում տեղի ունեցան անկարգություններ՝ դիմակներով և ձողերով զինված մի խումբ երիտասարդների մասնակցությամբ, որոնք կոտրելով ճանապարհային նշանները և լուսացույցի հենասյուները՝ բղավում էին կոտրեք, փշրեք։
Անմիջապես մեր գրասենյակի լուսամուտների տակ ծավալվող այս զարգացումները լուսաբանելու նպատակով Factor.am-ի գլխավոր խմբագիր Արևիկ Սահակյանը սկսեց Ֆեյսբուք սոցիալական ցանցի ուղիղ եթերում լուսաբանել կատարվողը։
Ձեզ ենք ներկայացնում այն տեսանյութը, որը հեռարձակվել է ֆեյսբուք սոցիալական ցանցում, և որից հետո ագրեսիվ երիտասարդները հարձակվեցին գլխավոր խմբագրի վրա, նրան քաշքշեցին, փորձեցին պոկել նրա լրագրողական տարբերանշանը, նաև հարվածներ հասցրին։
Ակնհայտորեն՝ նրանք անակնկալի էին եկել այն փաստից, որ կատարվողն անմիջապես ուղիղ հեռարձակմամբ ներկայացվել է հանրությանը։
