29.07.2026 | 13:34
Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ
Մեր ժողովրդի ապագան մենակ չենք կարող որոշել․ Արցախի ԱԺ խոսնակ․ ՏԵՍԱՆՅՈՒԹ
Քաղաքականություն
16.02.2022 | 12:31
Արցախի Ազգային ժողովն այսօր արտահերթ նիստ է հրավիրել․օրակարգում «Բռնազավթված տարածքների մասին» օրենքի նախագիծն է: Նախագիծը երեկ՝ փետրվարի 15-ին դրական եզրակացություն էր ստացել Պետաիրավական հարցերի հանձնաժողովի նիստում։
Օրինագծով սահմանվում է 1991-1994 և 2016 թվականներին Ադրբեջանի Հանրապետության և 2020 թվականին Թուրքիայի Հանրապետության և օտարերկրյա զինյալ ահաբեկիչների անմիջական մասնակցությամբ Ադրբեջանի Հանրապետության կողմից Արցախի Հանրապետության դեմ իրականացված ռազմական ագրեսիայի հետևանքով բռնազավթված տարածքների իրավական կարգավիճակի ու դրանց վրա տարածվող իրավական հատուկ ռեժիմի, պետական կառավարման և տեղական ինքնակառավարման մարմինների, կազմակերպությունների գործունեության առանձնահատկությունների, մարդու և քաղաքացու իրավունքների և ազատությունների, ինչպես նաև իրավաբանական անձանց իրավունքների և շահերի պահպանության ու պաշտպանության հետ կապված հարաբերությունները։
«Եթե մեր երկրի արտաքին քաղաքականությունն առանձնացնենք ներքին քաղաքականությունից, մենք իրականում խնդիրներ ենք ունենալու: Ամեն մեկս չենք կարող այս իրավիճակում մեր ժողովրդի անվտանգության հարցը, մեր ժողովրդի ապագայի տեսլականը մենակ որոշել:
Ե՛վ խորհրդարանը, և՛ կառավարությունը, ինչպես նաև ընդդիմությունը և արտախորհրդարանական ուժերը, և լավ կլինի, որ նաև ՀՀ-ն և Սփյուռքը միատեսակ կարծիք ունենային Արցախի ապագայի տեսլականի վերաբերյալ»,- նշեց ԱԺ նախագահ Արթուր Թովմասյանը:
Մանրամասները՝ տեսանյութում:
