18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Առարկում եմ Ձեր գործողությունների դեմ. դատախազը վրդովվեց. ՏԵՍԱՆՅՈՒԹ
Հասարակություն
15.02.2022 | 14:17
ՀՀ երկրորդ նախագահ Ռոբերտ Քոչարյանի և նախկին փոխվարչապետ Արմեն Գևորգյանի դեմ հարուցված քրգործով այսօր մեղադրող կողմը հրապարակեց մեղադրական եզրակացության եզրափակիչ մասը։
Նշենք, որ նիստն ընթանում է Երևանի ընդհանուր իրավասության դատարանում` դատավոր Աննա Դանիբեկյանի նախագահությամբ։ Ինչպես Քոչարյանը, այնպես էլ Գևորգյանը, մասնակցում են նիստին։
Սակայն Քոչարյանի պաշտպան Հայկ Ալումյանը հայտնեց, որ իրենց համար պարզ չէ պաշտպանյալին վերագրվող մեղադրանքը և ընդմիջում խնդրեց:
Ընդմիջումից հետո դահլիճ վերադառնալով՝ դատախազ Գևորգ Բաղդասարյանը հայտարարություն արեց՝ առարկություն հայտնելով դատավորի գործողությունների վերաբերյալ։
«Հարգելի՛ դատարան, ես առարկում եմ ձեր գործողությունների դեմ՝ երկու պատճառով. նախ՝ թույլ չեք տալիս առարկություն ներկայացնել, երկրորդ՝ Քրեական դատավարության 334-րդ հոդվածը, որը կարգավորում է ձեր գործողությունները, որոնք դուք կատարում էիք ընդմիջելուց անմիջապես առաջ, ենթադրում է խոսակցություն, քննարկում բացառապես ամբաստանյալի հետ: Դուք թույլ տվեցիք, որ այդ քննարկմանը մասնակցի պաշտպանը և ոչ միայն մասնակցի, այլ նաև ամբաստանյալի կողմից դիրքորոշումները ձեզ ներկայացվեն միջնորդավորված ձևով: Ավելին՝ առանց մեր դիրքորոշումը հարցնելու դուք փաստացի հնարավորություն տվեցիք, որ ամբաստանյալը ձեր հարցերին, այդ թվում մեղադրանքը պարզ լինել-չլինելու մասին, պատասախանի քննարկումից հետո, այսինքն՝ ընդմիջման ժամանակ պարզի, թե մեղադրանքի որ հատվածն իրեն հասկանալի չէ»,- նշեց դատախազը:
Մանրամասները՝ տեսանյութում:
