Հասարակություն
10.02.2022 | 11:20Կառավարության այսօրվա նիստում քննարկվում է Ծխախոտային արտադրատեսակների փոխարինիչների անվտանգության տեխնիկական կանոնակարգը հաստատելու մասին նախագիծը:
Էկոնոմիկայի նախարար Վահան Քերոբյանը հիշեցրեց, որ ՀՀ կառավարությունը քաղաքական լուրջ որոշում է կայացրել ծխախոտի ու դրա փոխարինիչների սահմանափակումների վերաբերյալ:
Նա նշեց, որ ծխախոտային արտադրատեսակների ու դրանց փոխարինիչների օգտագործման հետևանքով առողջությանը հասցվող վնասի նվազեցման ու կանխարգելման մասին օրենքի պահանջներով պետք է սահմանվեն նաև ծխախոտային արտադրատեսակների փոխարինիչների անվտանգության տեխնիկական կանոնակարգը:
«Մեր խնդիրն է լինել հնարավորինս արագ արձագանքող, որ նոր հայտնվող արտադրատեսակների վերաբերյալ նույնպես տարածեն տեխնիկական կանոնակարգերը: Մենք սահմանափակում ենք ծխախոտային արտադրատեսակների փոխարինիչների ցուցադրումը, շրջանառությունը, օգտագործումն ու կարծում ենք, որ սա կարևոր ներդրում է ՀՀ մարդկային կապիտալի ու մարդկանց առողջության մեջ», – ասաց նախարարը:
Նիկոլ Փաշինյանն էլ հիշեցրեց, որ հունվարի 1-ին արգելված է ծխախոտի գովազդը խանութներում և հանրային վայրերում: Վարչապետ հավելեց, որ խանութում մարդու աչքը չպետք է տեսնի, որ ստենդի հետևում ծխախոտ կա դրված:
«Պարոն Միրզոյան, որպես ծխելը թարգել պատրաստվող, ի՞նչ տեղեկություն ունեք»,- ասաց վարչապետը: Արարատ Միրզոյանն էլ հետաքրքրվեց, թե մասնագիտացված ծխատոտի խանութներում ո՞նց է իրականացվում վաճառքը, վարչապետն արձագանքեց, թե կապ չունի՝ որտեղ է, ծխախոտի գովազդ չպետք է լինի:
Մանրամասները՝ տեսանյութում:
