09.06.2026 | 00:17
Մարկո Ռուբիոն շնորհավորել է Փաշինյանին
Սա նոնսենս է և խոսում է կուլիսներում առկա իրավիճակի մասին. Ռուստամյանը՝ Լուկաշենկոյի խոսքերի մասին. ՏԵՍԱՆՅՈՒԹ
Քաղաքականություն
08.02.2022 | 13:06
Բելառուսի նախագահի հայտարարությունը նոնսենս է. նման հայտարարությունով չպետք է հանդես գա առնվազն գործընկեր պետությունը: Այս մասին լրագրողների հետ զրույցում նշեց «Հայաստան» խմբակցության պատգամավոր, ՀՅԴ ներկայացուցիչ Արմեն Ռուստամյանը՝ մեկնաբանելով Բելառուսի նախագահի հայտարարությունը Հայաստանի մասին:
«Բնական է, որ նման հայտարարություններ չպետք է լինեն։ Սա նոնսենս է միջազգային դիվանագիտական պրակտիկայում, սկանդալային դրվագներից մեկը։ Բայց պատճառները պետք է փնտրենք մեր մեջ։ Մենք թույլ ենք տալիս այդպես քամահրանքով խոսել մեզ հետ։ Եվ միայն Լուկաշենկոն չի դա անում։ Հարևան երկրի նախագահը նսեմացնում և վիրավորում է մեր պետությանը, մեր երկրի ղեկավարին։
Երբ մենք ասում էինք, որ Հայաստանը կորցրել է սուբյեկտությունը, այլևս հեղինակություն չունի, որպեսզի պաշտպանի իրեն և ստիպի հաշվի նստել իր հետ, հիմա տեսնում ենք, որ դա իրականություն է։ Սրանք հետևանքներն են։
Լուկաշենկոն այն օդիոզ անձնավորություններից մեկն է, որոնք ասում են այն, ինչ մտածում են՝ հաշվի չառնելով՝ կարելի է նման բառապաշար կիրառել, թե ոչ։ Բայց դա վկայում է ներքին,լուրջ խնդիրների և այն մասին, թե ինչ է տեղի ունենում կուլիսների հետևում»,- նշեց է Ռուստամյանը։
Մանրամասները՝ տեսանյութում:
