17.11.2024 | 15:32
Աղվանի-Տաթև ավտոճանապարհին բեռնատարները մերկասառույցի պատճառով չեն կարողացել շարունակել ընթացքը
Կոչ եմ անում չանցնել բարոյական շեմը և չդիպչել կանանց իրավունքներին․ Իզաբելլա Աբգարյան. ՏԵՍԱՆՅՈՒԹ
Հասարակություն
08.02.2022 | 12:29
«Մենք գործ ունենք ոչ միայն կնոջ իրավունքների հետ, այլև մայրության և մանկության, սա ինձ համար շատ սկզբունքային հարց է»,- այս մասին այսօր Երևանի ավագանու նիստում նշեց ավագանու անդամ Իզաբելլա Աբգարյանը՝ անդրադառնալով ավագանու անգամ Լուսինե Մխոյանի լիազորությունների վաղաժամկետ դադարեցմանը:
«Ինքս, երբ սպասում էի երկրորդ երեխայիս, ինձ հարկադրում էին դիմում գրել, կամովի դուրս գալ աշխատանքից, որպեսզի չանցնեմ օրենքով ինձ հասնող արձակուրդի։ Կային մարդիկ, ովքեր գրում և գնում էին՝ հղի կանայք։ Եվ ես պայքարել եմ այդ ժամանակ և պահպանել եմ իմ իրավունքը:
Այս դահլիճում կան մարդիկ, ովքեր հղի չեն եղել, և փորում սեփական օրգաններից բացի՝ ոչինչ չեն կրել, բայց նիստերին չէին մասնակցում»,- նշեց Աբգարյանը:
Նա նաև ընդգծեց, որ Մխոյանի լիազորությունները վաղաժամկետ դադարեցնելը քաղաքական վրեժխնդրություն է և կանանց իրավունքների խախտում:
«Կոչ եմ անում չանցնել բարոյական շեմը և չդիպչել կանանց իրավունքներին և մայրանալուց հետո էլ նրանց հնարավորություն տալ շարունակելու գործունեությունը»,- ընդգծեց Իզաբելլա Աբգարյանը:
Մանրամասները՝ տեսանյութում։
