06.10.2026 | 21:30
Գերմանիայի ԱԳ նախարարը զգուշացրել է Վրաստանի, Մոլդովայի և Բալթյան երկրների համար Ռուսաստանի սպառնալիքի մասին
Հանրակրթության համար տարեկան 103 մլրդ դրամ է տրամադրվում․ ԿԳՄՍ փոխնախարար․ ՏԵՍԱՆՅՈՒԹ
Հասարակություն
07.02.2022 | 12:07
«Գործադրության մեջ ենք փորձում դնել կառավարման նոր՝ չապրված մոդել և ավելի շատ նպատակահարմար պետք է լիներ, որպեսզի կառավարման այս մոդելը, որը գլխիվայր փոխում է հանրակրթական հաստատությունների կառավարման փիլիսոփայությունը, փորձաշրջան անցներ»,- ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստում «Հանրակրթության մասին» օրենքում փոփոխություններ և լրացումներ կատարելու մասին օրենքի նախագծի երկրորդ ընթերցման քննարկմանն ասաց «Հայաստան» խմբակցության պատգամավոր Լիլիթ Գալստյանը։
Նշենք, որ «Հանրակրթության մասին» օրենքում փոփոխություններ և լրացումներ կատարելու մասին օրենքի նախագծով առաջարկվում է ուսումնական հաստատության ընթացիկ գործունեության ղեկավարումն իրականացնի ուսումնական հաստատության գործադիր մարմինը` ուսումնադաստիարակչական մասով՝ ուսումնական մասի տնօրենը և վարչատնտեսական մասով` վարչատնտեսական մասի համակարգողը։
«Խոր տագնապներ ունեմ՝ քանդում ենք մի բան, հստակ չպատկերացնելով, թե դրա փոխարեն ինչ ենք կառուցում, որքանով է այն աշխատելու»,-ասաց Գալստյանը:
Նա ընդգծեց, որ կրթության ոլորտում փոփոխություններն անհրաժեշտություն են, բայց մի՞թե հնարավոր չէր այս մոդելը գործարկել որևէ համայնքում, եթե արդարցվեր, դրանից հետո հրաշալիորեն գործարկել ողջ համակարգում։
ԿԳՄՍ փոխնախարար Ժաննա Անդրեասյանն արձագանքեց. «Մտահոգ ենք խնդիրներով, և այդ խնդիրների լուծման շուրջ մեր առաջարկները քննարկելի են և նաև քննադատելի են»:
Անդրեասյանը ներկայացրեց նախագծի հիմնական փոփոխությունները՝ ներկայացնելով պարզաբանումներ:
Անդրադառնալով Գալստյանի հարցին, թե արդյոք կան ֆինանսական հաշվարկներ, փոխնախարարը վստահեցրեց. «Ֆինանսական հաշվարկներ արվել են և արվում են: Հանրակրթության ծրագրերի իրականացման համար տարեկան 103 մլրդ դրամ է տրամադրվում: Եվ ունենք որոշակի վերլուծություններ, թե ինչքանով է այդ 103
միլիարդ դրամը ծախսվում արդյունավետ»:
Մանրամասները՝ տեսանյութում:
