20.11.2024 | 18:30
Կարինե Քոչարը՝ Ռուբեն Քոչարի մեղադրանքների մասին
Դիահերձումը պարտադիր չի լինի ախտորոշում ունեցող, հիվանդանոցում մահացածների համար․ նախագիծը հավանության արժանացավ․ ՏԵՍԱՆՅՈՒԹ
Քաղաքականություն
02.02.2022 | 12:26
Այլևս անհարկի դիահերձումներ չեն իրականացվի։ ԱԺ-ում լրագրողների հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Նարեկ Զեյնալյանը:
«Դիահերձումների թիվը ՀՀ-ում կտրուկ աճել է` 36 տոկոսից հասնելով 90 տոկոսի, այն դեպքում երբ եվրոպական երկրներում դիահերձումների միջին ցուցանիշը 26,5 տոկոս է։ Իրականացվում են անհարկի դիահերձումներ…»,- նշեց Զեյնալյանը:
Նշենք, որ օրենքի նոր նախագծով առաջարկվում է ախտաբանաանատոմիական դիահերձումներն իրականացնել միայն բժշկական հաստատություններին կից ախտաբանաանատոմիական ստորաբաժանումներում։
Գործող օրենքով դիահերձումը կատարվում է նաև առանձին կազմակերպություններում, որոնք ունեն համապատասխան լիցենզիա։
«Հայաստանում կա 8 նման կազմակերպություն, որոնք կից չեն բշկական հաստատություններին, բայց իրականացնում են դիահերձման ծառայություն։ Նրանց գործունեությունը ախտաբանաանատոմիական դիահերձում իրականացնելու մասով կսամանափակվի։ Նրանք չունեն հյուսվածքաբանական լաբորատորիաներ, այսինքն` չեն կարող բացահայտել մահվան պատճառը, համեմատել կլինիկական ախտորոշման հետ…»,- նշեց Զեյնալյանը՝ ընդգծելով, որ դիահերձումը պարտադիր չի լինի ախտորոշում ունեցող, հիվանդանոցում մահացածների համար:
Մանրամասները՝ տեսանյութում:
