19.11.2024 | 22:38
Ադրբեջանի ԳՇ պետը Պակիստանում նոր զինատեսակների է ծանոթացել
Վահագն Խաչատրյա՞նն է լինելու իշխող ուժի նախագահի թեկնածուն. Աղազարյանի մեկնաբանությունը․ ՏԵՍԱՆՅՈՒԹ
Քաղաքականություն
31.01.2022 | 16:31
Այսօր տեղի է ունեցել «Քաղաքացիական պայմանագիր» խմբակցության փակ նիստ, որի ժամանակ քննարկումների առիթ է հանդիսացել նաև ՀՀ նախագահի թեկնածուի հարցը:
Factor.am-ի հետ զրույցում «Քաղաքացիական պայմանագիր» խմբակցության պատգամավոր Հովիկ Աղազարյանը, անդրադառնալով հարցին, թե որոշում կա՞ արդյոք՝ ո՞վ է լինելու ՀՀ նախագահի թեկնածուն, նշեց. «Քանի որ խոսքը այն ինստիտուտի մասին է, որի ձևավորումը կախված է ԱԺ-ից, պետք է սպասենք, որ Սահմանադրությամբ նախատեսված 1 շաբաթը լրանա, հետո նոր «Քաղաքացիական պայմանագիր» խմբակցության ղեկավարը հանդես կգա հայտարարությամբ: Այդ ժամանակը վերջանում է այսօր՝ կեսգիշերին»:
Հարցին, թե շա՞տ են ՀՀ նախագահի թեկնածուները, որոնց շուրջ իշխող ուժը տատանվում է, թե՞ միայն մեկն է, Աղազարյանը պատասխանեց. «Այդքան էլ շատ չեն թեկնածուները, դա այն ինստիտուտը չէ, որ ընտրություն կատարվի շատերի մեջ: Քննարկումը մի քանի հոգու շուրջ է»:
Անդրադառնալով շրջանառվող տեղեկատվությանը, որ ՔՊ թեկնածուն ԲՏԱ նախարար Վահագն Խաչատուրյանն է, պատգամավորը նշեց. «Պետք է սպասենք մեկ շաբաթ ժամկետը լրանա և վերջնական տեղեկատվություն կլինի, թե ով է թեկնածուն»: Աղազարանը հավելեց, որ դա ՔՊ վարչության որոշելիք հարցն է:
Մանրամասները՝ տեսանյութում:
