24.11.2024 | 13:40
Օդի ջերմաստիճանը կնվազի 6-10 աստիճանով
Առողջապահության նախարարությունը՝ Բաղրամյան պողոտայում վիրավորվածների վիճակի մասին
Հասարակություն
16.04.2018 | 18:32
Առողջապահության նախարարությունը հայտնում է, որ ժամը 16։30 դրությամբ Երևանի բուժհաստատություններ բուժօգնության համար դիմել է 46 քաղաքացի, որից 6-ը ոստիկաններ են։
Հիվանդների մի մասը, ստանալով ամբուլատոր բժշկական օգնություն, դուրս է գրվել: Քաղաքացիական անձանց մոտ հիմնականում առկա են ստորին վերջույթների մակերեսային վնասվածքներ, որոնց համար ցուցաբերվում է անհրաժեշտ առաջնային բուժօգնություն։
Ոստիկանների վնասվածքները բութ և կտրող գործիքներով հասցված վնասվածքներ են։ Նրանցից մեկը ներկայումս վիրահատվում է երակի կտրվածքի պատճառով։ Առողջապահական համակարգը գործում է ուժեղացված ծառայության պայմաններում և տիրապետում է անհրաժեշտ բոլոր միջոցներին՝ ժամանակին և որակյալ բուժօգնություն ցուցաբերելու նպատակով։
Տուժածներից որևէ մեկի կյանքին վտանգ չի սպառնում։
