18.02.2026 | 23:28
Ստեփանծմինդա-Լարս ավտոճանապարհը փակ է
Նախագահին հարցրի՝ հրաժարականի հարցը քննարկման ենթակա՞ է․ ինքը ասաց՝ արդեն որոշել եմ․ Նիկոլ Փաշինյան. ՏԵՍԱՆՅՈւԹ
Քաղաքականություն
24.01.2022 | 20:10
ՀՀ վարչապետ Նիկոլ Փաշինյանը հերթական անգամ ուղիղ եթերում պատասխանում է լրատվամիջոցների և հասարակական կազմակերպությունների հարցերին:
Անդրադառնալով նախագահ Արմեն Սարգսյանի հրաժարականին, Փաշինյանը նշեց. «Այդ որոշումն ինքը՝ նախագահն է կայացրել: Ես դրա մասին իմացել եմ հրապարակայնացունից ընդամենը ժամեր առաջ՝ մոտ 3,5 ժամ առաջ իրենից եմ տեղեկացել, զանգահարել է ինձ և խոսել ենք:
Ես նախագահին հարցրել եմ, թե քննարկո՞ւմ է ինձ հետ այդ հարցը, թե՞ կայացրել է որոշումը, այսինքն՝ փորձել եմ հասկանալ՝ որոշումը քննարկման ենթակա՞ է, թե՞ ենթակա չէ, և նա ասել է, որ կայացրել է որոշում»:
Վարչապետը նշեց, որ Սահմանադրության հետ կապված ՀՀ նախագահի դիրքորոշումը հայտնի է։
«Իմ դիրքորոշումն այդ կապակցությամբ մի փոքր տարբերվում է Հանրապետության նախագահի դիրքորոշումից կամ էականորեն է տարբերվում։ Բայց նաև ուզում եմ ընդգծել, որ 2018 թվականից հետո, երբ Արմեն Սարգսյանն ընտրվել է ՀՀ նախագահ, հետո ես ընտրվել եմ վարչապետ, այդ ժամանակվանից ի վեր Սահմանադրության մեջ որևէ դրույթի փոփոխություն տեղի չի ունեցել, համենայն դեպս, նախագահի լիազորությունների մասով»,- նշեց Փաշինյանը։
Մանրամասները՝ տեսանյութում:
