09.06.2026 | 11:15
Վերահաշվարկի դիմումների վերաբերյալ ԸԸՀ նիստերը կմեկնարկեն այսօր՝ հունիսի 9-ին
ԱՄՆ-ն թույլ է տվել Բալթյան երկրներին ամերիկյան արտադրության զենքերը փոխանցել Ուկրաինային․ Politico
Քաղաքականություն
20.01.2022 | 20:26
ԱՄՆ Պետքարտուղարությունը հավանություն է տվել Էստոնիայի, Լատվիայի և Լիտվայի՝ իրենց ունեցած ամերիկյան արտադրության զենքի մի մասը Ուկրաինային փոխանցելու խնդրանքին։ Այս մասին գրում է Politico-ն՝ վկայակոչելով ԱՄՆ վարչակազմում իր աղբյուրին, փոխանցում է ՌԲԿ-ն:
Լրատվամիջոցի զրուցակիցը հրաժարվել է թվարկել կոնկրետ զինատեսակները, որոնք հաստատվել են փոխանցելու համար։
Ավելի վաղ Politico-ն հայտնել էր, որ բալթյան երկրների խնդրանքը ներառում է Ուկրաինային հակատանկային միջոցների և «ցամաք-օդ» դասի հրթիռների մատակարարում։
Աղբյուրը նաև նշել է, որ մոտակա օրերին ԱՄՆ նախագահ Ջո Բայդենի վարչակազմը ևս կսկսի Ուկրաինային 200 միլիոն դոլար արժողությամբ հակատանկային հրթիռներ, զինամթերք և այլ սարքավորումներ մատակարարելու գործընթացը։
Էմմա Չոբանյան
