Քաղաքականություն
20.01.2022 | 16:20ԱԺ լիագումար նիստում քննարկվում է Հեռուստատեսության և ռադիոյի հանձնաժողովի անդամի պաշտոնում «Քաղաքացիական պայմանագիր» խմբակցության առաջադրած թեկնածուի՝ գրականագետ, թարգմանիչ ու բանաստեղծ, ՀՀ մշակույթի նախկին նախարար Հակոբ Մովսեսի Հակոբյանի (Հակոբ Մովսես) թեկնածությունը:
«Ինչպե՞ս եք հանդուրժելու ատելության խոսքը համապետական հեռարձակում ունեցող ալիքում»,- Հակոբ Մովսեսին այս հարցն ուղղեց «Հայաստան» խմբակցության պատգամավոր Լիլիթ Գալստյանը:
«Ատելության խոսքի քարոզչությունը միանշանակ դատապարտելի է, ով ուզում է անի: Եթե Հանրային հեռուստատեսությունն է անում, դատապարտելի է, եթե անում են նորելուկ հեռուստատեսային ալիքները, նույնպես դատապարտելի է, և ոչ միայն դատապարտելի է, այլ նաև արգահատելի է: Այդպիսի պրոպագանդա անողները թող շատ լավ իմանան, որ առաջին հերթին իրենք պրոպագանդա են անում իրենց դեմ և իրենց են վարկաբեկում»,- նշեց Հակոբ Մովսեսը՝ հավելելով, որ մեդիախուլիգանությամբ զբաղվելն անընդունելի է, և հանձնաժողովն իր լիազորությունների շրջանակում պետք է դրան անդրադառնա:
Մանրամասները՝ տեսանյութում:
