21.04.2026 | 18:45
«Փորձել է վնասել դասարանցիներին». դասադուլ՝ աշակերտներից մեկի վարքի պատճառով․ ՏԵՍԱՆՅՈւԹ
Ռուբինյանը որևէ փաստաթուղթ չի պատրաստվում ստորագրել. ԱԳ նախարար. ՏԵՍԱՆՅՈՒԹ
Քաղաքականություն
19.01.2022 | 18:11
Կառավարության ծրագրում նշված է, որ, ստանձնելով ՀԱՊԿ-ի նախագահությունը, Հայաստանն իր առաջնահերթությունը փորձելու է իրականացնել՝ ապահովելով իր անդամ պետությունների անվտանգությունը. այս համատեքստում արդյոք քայլեր իրականացվե՞լ են ադրբեջանական ԶՈՒ՝ Հայաստան ներխուժումը կասեցնելու, նրանց ՀՀ-ի տարածքից դուրս շպրտելու ուղղությամբ՝ ԱԺ-Կառավարություն հարցուպատասխանի ընթացքում հարց ուղղեց պատգամավոր Արծվիկ Մինասյանը:
ՀՀ արտգործնախարար Արարատ Միրզոյանը պատասխանեց. «Ադրբեջանական զորքերի՝ Հայաստանի սուվերեն տարածքում խորացման կամ սուվերեն տարածք ներթափանցման փորձերի կանխման համար գործադրված են ՀԱՊԿ և երկկողմ այլ մեխանիզմներ, քան անմիջապես զինվորական միջամտությունն է: Այն հատվածոմ, որտեղ ներխուժել են ադրբեջանական զինված ուժերը, դուրսբերման ուղղությամբ աշխատանքներ տարվում են»,- ասաց Միրզոյանը:
«Ինստիտուցիոնալ մեխանիզմներ կան, ձևավորվել է աշխատանքային խումբ՝ կազմված ԱԳՆ աշխատակիցներից, դիվանագետներից, որն աջակցում է պարոն Ռուբինյանին՝ մեկնարկած գործընթացում, և վստահեցնում եմ, որ երբ որ գա պահը, որ լինի փաստաթուղթ և անհարժեշտ լինի գործադիրի ներկայացուցչի ստորագրությունը, այդպես էլ կլինի: Պարոն Ռուբինյանը որևէ փաստաթուղթ չի պատրաստվում ստորագրել»,- վստահեցրեց Միրզոյանը:
Մանրամասները՝ տեսանյութում:
