08.08.2026 | 15:04
Ջերմաստիճանը կնվազի. ինչ եղանակ է սպասվում առաջիկա օրերին
Տոնգայում հրաբխի ժայթքումը կարող է գլոբալ սառեցման բերել
Քաղաքականություն
19.01.2022 | 16:24
Դեկտեմբերի վերջին Խաղաղ օվկիանոսում ակտիվացել է Հունգա-Տոնգա-Հունգա-Հաապայ էկզոտիկ անվանումով հրաբուխը։ Կարճ դադարից հետո ժայթքումը վերսկսվել է հունվարի 14-ին՝ հաջորդ օրը հասնելով ամենաբարձր ինտենսիվության, գրում է «Արգումենտի ի ֆակտին»։
Մոխրի ամպերը հասել են 20 կիլոմետր բարձրության՝ ծածկելով արևը և ցերեկը վերածելով գիշերի Տոնգա կղզու թագավորության բնակիչների համար, որի տարածքում է գտնվում հրաբուխը։ Եվ քանի որ այն հիմնականում գտնվում է ջրի տակ, ժայթքումն առաջացրել է ցունամի, որի ալիքները հասել են Ճապոնիայի, Ամերիկայի, Կուրիլյան և Հավայան կղզիների ափերին։
Ավելին, կան կանխատեսումներ, որ ստրատոսֆերա հսկայական քանակությամբ մոխրի արտանետման պատճառով մոլորակին սպառնում է գլոբալ սառեցում։
Հունգա-Տոնգա-Հունգա-Հաապայ հրաբուխը ծովի հատակից 2 կիլոմետր բարձրության է հասնում, իսկ նրա կալդերան գտնվում է ծովի մակարդակից 150 մետր ցածր: Նախորդ ժայթքումները Խաղաղ օվկիանոսի մակերեսին ձևավորեցին երկու փոքր կղզիներ (Հունգա Տոնգա և Հունգա Հաապայ), որոնք հետագայում միացան իրար։
Հրաբուխն արթնացել է 1912, 1937, 1988, 2009, 2014 և 2015 թվականներին: Սակայն այժմյան ժայթքումը, թերևս, ամենահզորն է վերջին հազար տարվա ընթացքում։
Տաթև Ֆռանգյան
