27.03.2026 | 19:13
Նոր արգելանքներ՝ Վահե Հակոբյանի հոր ընկերության և փոխկապակցված անձանց գույքի վրա
Ոստիկանական մեծաքանակ ուժերը դիրքավորված են Դեմիրճյան փողոցում․ ի՞նչ հրահանգ նրանք կստանան
16.04.2018 | 03:22
Քիչ առաջ Factor.am-ի նկարահանող խումբը շրջայց կատարեց Դեմիրճյան փողոցում, որտեղ կուտակված են մեծաքանակ ոստիկանական ուժեր։ Մի քանի տասնյակ ավտոբուսներում, երթուղային գազելներում եւ ավտոմեքենաներում քնած էին բազմաթիվ ոստիկաններ, ոմանք էլ արթուն էին, անգամ թողթախաղով էին զբաղված։ Արթուն ոստիկանության աշխատակիցները խուսափում էին տեսախցիկից, նրանք, տեսնելով մեզ, շրջվեցին եւ փորձեցին փակել իրենց դեմքերը։ Ի դեպ, որոշ ավտոբուսներ լի էին ոստիկանական մետաղյա վահաններով։ Ավտոբուսների առաջնամասերում շարված էին մեծ թվով հացեր։
Ուշագրավ էր, որ ոստիկանների մի զգալի մասը երթուղայիններում էին, մասնավորապես մենք ֆիքսեցինք մեկ փակված համարով, ինչպես նաեւ 31 եւ 58 համարի երթուղային գազելներ՝ լի քնած ոստիկաններով։ Թե ինչպես էին հանրային տրանսպորտի այդ միջոցները դարձել Ոստիկանության դիրքավորման վայր՝ պարզ չէ։ Հետաքրքիր է, թե ովքեր են այս երթուղիների գծատերերն ու ինչու են իրենց երթուղայինները տրամադրել ոստիկանության աշխատակիցներին։
Լիլիթ Շաբոյան
