15.10.2026 | 00:05
NATO-ի նավատորմին ծառայություններ մատուցող ընկերությունը կասկածվում է 1 միլիոն եվրոյի խարդախության մեջ
Ծառուկյանը 5 մլն դոլար կներդնի Ջերմուկում առողջարանային համալիր կառուցելու համար. «Հրապարակ»
14.04.2018 | 08:32
«Հրապարակ» թերթը գրում է.
«ԲՀԿ ղեկավար Գագիկ Ծառուկյանը, բացի մինչ օրս հայտարարված բիզնես պրոյեկտներից, պատրաստվում է Ջերմուկ քաղաքում առողջարանային խոշոր համալիր կառուցել։ Մոտավորապես այնպիսին, ինչպիսին Խանջյան փողոցում գտնվող շքեղ «Մուլտի Վելնես» սպորտային և ժամանցային համալիրն է, որը, հիշեցնենք, բացվեց 2016-ի նոյեմբերին և այժմ ծանրաբեռնված աշխատում է։ Ջերմուկում կառուցվելիք առողջապահական համալիրի համար մոտ 5 միլիոն դոլար է ներդնելու Ծառուկյանը։
Մեր տեղեկությունը Ծառուկյանի մամլո խոսնակ, ԱԺ պատգամավոր Իվետա Տոնոյանը հաստատեց, ասաց, որ այժմ նախագծային ու գեոդեզիական աշխատանքներ են կատարվում։ Այս համալիրը կդառնա Ջերմուկում վաղուցվանից գործող համալիրների մրցակիցը։ Դրանցից ամենաշքեղը և թանկը Աշոտ Արսենյանի և Սամվել Սարգսյանի համալիրներն են»:
Առավել մանրամասն՝ թերթի այսօրվա համարում:
